.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

29 أبريل، 2008

الى أحباء كزد

وصلتنى تساؤلاتكم عن اختفاء المدونه
واطمئنكم اننا سنعود للتدوين بعد اعاده بناء المدونه من جديد
فقد كان غياب المدونه اضطراريا لانها تعرضت للتخريب ولاننى فقدت السيطره عليها و ربما حصل احدهم على كلمه السر لذلك اضطررت لحذفها واعاده بنائها من جديد
ربما هناك من تضرر من المحتوى او من الفكره .. او من فكره ان هناك من يفكر بصوت مرتفع ويسمعه الاخرون.. او من موقف اعلناه .. المهم سنعيد بنائها .. بنائا متقدما بأطر حمايه على قدنا .. وفى ثوب جديد .. ولكننا للاسف فقدنا تعليقاتكم .. ومعظم العناصر المضافه .. والحمد لله اننا استطعنا الحصول على نفس الاسم وال url
بناء المدونه سيحتاج وقت فقط .. ليست مشكله .. ولكن ما احزننى انى ملحقتش افرح .. لان حذف المدونه حدث بعد ان اضفت لها كليب صوتى وعداد للزوار .. كان ذالك فى20/4 وكنت سعيد جدا لان عدد الزوار حتى الساعه 12 مساء 21 /4 كان قد وصل 70 زائر فى يومين فقط
فارجوا من احباب كزد الصبر حتى نلتقى .. وسنلتقى فى القريب فى 8/5 /2008 علشان نصرخ من الفرحه والله وعملوها الرجاله ومباعوش (ونشكر مجمع المدونات المصريه لاننا وجدنا لديهم جميع تدويناتنا مما سهل علينا اعاده عناصر المدونه وجارى نقل تدويناتنا الى المدونه )

17 أبريل، 2008

فضفضه بس بصوت عالى شويه

كتبت هذه التدوينه منذ مده وترددت فى نشرها لاكثر من سبب .. وأنشرها الان مع بعض التعديلات لان الموضوع زاد عن حده وعلشان الزملاء يبطلوا يسالوا انت مين .. فارجو اللى عايز يعلق او يراسلنى ياريت يكون عن فكره جديده تفيد الشركه وتفيدنا كلنا علشان نمد شويه مش نفضل محلك سر اوعن اى شكوى اواى ملاحظه وعلشان اطمن الزملاء اللى خايفين عليا من ايه مش عارف اللى يقولى حتلاقى نفسك قاعد على الخازوق اه والله بنفس اللفظ واللى يقولى انت كده بتلعب مع الكبار ولو عرفوك حيفرموك ويعملوك كفته ويمكن يخلوا زمايلك همه اللى ياكلوك واللى يقولى انت لو اتعرفت حيودوك وراء الشمس واللى يشتمنى ويشتم الشركه وعمالها وادارتها ( علشان كده قمت بتنشيط ميزه اشرافى على التعليقات علشان متبقاش المدونه ساحه للشتائم

15 أبريل، 2008

تليفون نصف اليل

بعد ما دخلت انام جالى تليفون الساعه 3 صباحا من زميل ليخبرنى ان الاستاذ / امين الابيض كان ماسك ورقه اليوم وقاعد يلف على الزملاء وبيدعوهم للتصويت لحل اتحاد المساهمين وبيحاول يفهمهم ان ده فى مصلحتهم .. وعامل فيها فاهم وهو لا فاهم ولا حاجه .. هو باختصار مكفهوش الخير اللى طاله طوال فتره عمله .. طمعان ايوه .. طمعان فى اكتر وعايز يخربها قبل مايمشى على دماغنا احنا اللى لسه قدامنا كتيرواللى لسه متعينوش عامل فيها داعيه خير و مصلحه .. مصلحته هو .. وفقط اذكر الزملاء ان سعر سهم الشركه الماليه وصل الان الى 350 جنيه بعد حل اتحادهم مش حقول حاجه اكتر من كده غير انى اقول كلمتين للاستاذ امين الابيض انت يااستاذ امين ياابيض .. انت اسمك الابيض صحيح .. بس قلبك طلع اسود .. واطمئن وتاكد اننا بعد ان ترحل سنذكرك بكل سوء .. وان عرفنا انك مت مش حنقول الله يرحمه --------------------------------------------- النوم طبعا طار من عينى وقران الفجر شغال فرصه اروح اصلى الفجر حاضرواروح الشغل ...... وصباح الخير ياكزد

6 أبريل، 2008

ماذال ريعو فى الفرن

بعد مناشده احد الزملاء للاستاذ البير كى يتدخل ويخلصنا من هذا الريعو واكيد الاستاذ البير كلم الحاج سيد وعم الحاج عمل الازم .. ولسه ريعو فى الفرن طيب نعمل ايه يبقى مشكلتنا الان مع الحاج سيد هو كمان طلع اسطوره نتوجه بكلامنا للحاج سيد مادام هو اللى بيحل وبيربط فى شركتنا وله الكلمه العليا ياعم الحاج انقذنا من ريعو الاسطوره اما نشوف الحاج سيد حيعمل لنا ايه يمكن الموضوع ده ميهمش البعض لكن بيهم اللى محتاجين عيش من الفرن ويا عم الحاج احنا عارفين انك عارف اننا عارفين انك عارف اننا عارفين كل اللى بيحصل فى الجمعيه يعنى مثلا عارفين ان جميع العاملين فى الجمعيه ------------وده من دم الحى وان الزميل الفاضل ......... بياخد ب 10 جنيه عيش يوميا وبيبيع ال 8 ارغفه بجنيه وسامعين ان العاملين فى الكافيتريا لهم مكافئات اسبوعيه حصريا من الجمعيه علشان يستلموا الوجبه اللى بتجيبها الجمعيه ماسيادتك طبعا مبتكلش منها تلاقيك ياحاج بتاكل جاتوه ربنا يغرقك كمان وكمان فى الجاتوه وبصراحه ياعم الحاج احنا بعد كده لو احتجنا اى حاجه حنكلمك انت على طول مانت طلعت الاستاذ/ البير ونحن فى انتظار مغادره الاخ ريعو الفرن .. ونتمنى ان لا نتحدث فى موضوع الاخ ريعو مره اخرى لان فيه مواضيع كتير اهم .. ولوصعبان عليك وبتحبه للدرجه دى ماتتبناه ياعم الحاج

5 أبريل، 2008

تمنيات من القلب بالشفاء العاجل لزميل عزيز


علمت مساء اليوم ان الزميل .. المهندس/ فوزى عبد الحميد ستجرى له عمليه جراحيه هامه .. محرر المدونه .. يدعو الله ان يكلل العمليه بنجاح الجراحه بنجاح .. ويعودالينا المهندس/ فوزى سالما غانما بابتسامته الودوده المرحبه دائما .. وبافضل حال .. ونهديه هذه الورده .. و لندعوا له جميعا بالشفاء العاجل ...أمين يارب العالمين

نصيحه من فار كتب

أن طرق القراءه تختلف بأختلاف المواد التى تقرئها فالمقاله تقرأ باسلوب والكتاب له اسلوب والأخباروالتحقيقات لها أسلوب مختلف لذالك لايصح أن تقرأ جميع أنواع المواد بطريقه واحده فتبدأ من اول كلمه وتنطلق نحو اخر كلمه بخطى بطيئه متثاقله فتتوقف فى منتصف الطريق وربما قبل ذلك ضجرا ومللا فما الحل؟؟؟ اولا :-- لا تقرأ الفقرات والجمل فقره فقره والجمله كلمه كلمه بل اشمل بنظرك ثلاث كلمات وأكثرأن أستطعت ولا ترجع لقرائه كلمه سابقه بل أمضى ولا تخشى فوات كلمه اومعنى وأعلم انك ستعانى فى اول الامر من الضيق نتيجه قله الفهم ولكنه شعور مؤقت وسيزول مع تعودك على هذا الاسلوب وقم بزياده