.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

10 مايو، 2008

الله اكبر أنتصرنا أنتصرنا ولله الحمد

الله اكبر الله اكبر الله اكبر الحمد لله الحمد لله الحمد لله
انتصرنا انتصرنا انتصرنا
وسيظل اتحاد المساهمين قائما
ولقد تعمدت التاخير فى التدوين بعد النصر لسببين
الاول :- لانى كنت مجهد ومشدود
ثانيا :- لانى كنت مشحون بذائات وكانت ستنطلق بذائاتى واهدافها كانت واضحه جدا
ومعروفه مسبقا
وهم انصار البيع والتفريط
وكنت عامل قائمه مسميها القائمة السوداء وبتضم اسماء زعمائهم وكانت حتبقى فضايح وكنت حجرسهم
منتصر ومن حقى افرح فيهم
لكن الحمد لله صوت العقل هو اللى غلب
وعفوت عند المقدره
وبشكر وبهنى كل من ساهم فى حملتنا ضد البيع والتفريط
واقوللهم الله ينور يارجاله الله ينور عليك يايسرى عبد السميع فى الهندسيه شغلك كان واضح ومؤثر,وهبلتهم
والله ينور ياجمعه ياسحيمى فى الايزوشغلك كان مسمع عندنا
والله ينور يامحمد يازيدان فى الهيدكربون
والله ينور عليك ياعاطف يامهندس بذلت مجهود ممتاذ ومربع المهندس طارق المقدم كان نشيط جدا ومربع المهندسين والكيميائيين فى قطاع المعامل
كان مجهودهم واضح ومسمع ومؤثر عندنا
ماعدا الزميل / احمد على كان فى الكفه الخاسره مش عارف ازاى علمه وشهاداته والقابه العلميه موصلتوش انه يكون فى كفه الفائزين لله فى خلقه شؤووون اظاهر احنا متصابين فى علمائنا اللهم اعف عنا وارفع مقتك وغضبك عنا يارب العالمين
وبهنى شباب قطاع الانتاج الابطال
واقولهم انتم اللى طببتم الكفه والله ينور يارجاله وبهنى المهندس سيف وكل مهندسين ورجال الكهرباء
وكل المحاسبين والامن الصناعى ورجاله المخازن ورجاله الامن بهنيهم من قلبى .. كانوا رجاله
وطول عمرهم رجاله وبهنى الزميله
النقابيه مدام / نجوى .. كان لعودتها الى الحق تاثير كبير على المترددين
وبقولها عود احمد وكان زمانك فى الكفه الخسرانه احمدى ربنا
ولن انسى ان اتوجه بالشكر للسيد رئيس مجلس الاداره وولى عهده لعدم تدخلهم
فى سير حملتنا ضد البيع بالرغم من علو صوتها

لا بالقول ولابالفعل ولابالايحاء كانوا يقدروا بسلطتهم وباموالهم ووعودهم لضعاف النفوس منا

ان يتدخلو فى سير الحمله لكنهم اثبتوا انهم شبعانين ومش باصين لينا فى اللقمه اللى فى ايدينا شكرا ياأجدع قبط فى
بر مصر وعمار يامصر

تتصوروا بقالنا كلمه يارجاله وبقينا مؤثرين
أحباء كزد فلترددوا ورائى

اقسم بالله العظيم

أن أحافظ على أتحاد المساهمين قائما ما حييت

وأن أسلمه للزملاء من بعدى

قويا عفيا

ولن أطالب بحله ما حييت

والله على ما أقول شهيد

وصباح الخير يا أحباء كزد

هناك 8 تعليقات:

غير معرف يقول...

الحمد لله والله يرضى عليك لانك سعيت ان الحق ميروحش مننا

غير معرف يقول...

كنا عايزينك تشوط البياعين اللى كانوا
عيزين يودونا فى داهيه لكن مش مهم المهم ان احنا انتصرنا
واقسم بالله العظيم ان احافظ على اتحادنا قائما ما حييت وان اسلمه لزملائى من بعدى قويا عفيا ولن اطالب بحله ماحييت وان احارب وبعنف كل من يريد حله والله على ما اقول شهيد وانا متابعك شد حيلك مع خالص حبى وتقديرى

غير معرف يقول...

الله اكبر ولله الحمد استمر انت بتقول اللى احنا عايزين نقوله انا اشتريت كمبيوتر مخصوص علشان اتابعك من كتر كلام الزملاء عن كتاباتك وعجبنى ايضا موضوع اين زويلك ياكزد انت عرفت اللى فى راسنا ازاى انا لسه موصلتش نت انا بعلق من نت جمبنا وحزورك باستمرار سلام

غير معرف يقول...

الله يقويك ده انت رايق روقان وعندك مبادىء كمان ده انت عرفت تلمنا وتشد انتباهنا كلنا بس راى الاداره ايه ياترى بس انا عايز اقول حاجه انا اعرف من الاول ان يسرى ومدام نجوى مكانوش معانا رجعوا معانا امتى
المهم مجهود رائع واحنا حنتابع وشكرا على شريطى الاخبار وربنا يحميك

غير معرف يقول...

مبروك علينا كلنا استمر ايه الحلاوه دى
اخوك من المعمل

واحد من العمال يقول...

الى كل غير المعروفين
شكرا بجد شكرا والله العظيم شكرا

غير معرف يقول...

شكرا لمجهودك ضد البيع
ويعيش اتحاد المساهمين
الهندسيه بتحييك

لا للظلم يقول...

استمر احنا معاك على طول مادام انت بتدور على مصلحتنا ومصلحة الشركة وخلىك عارف ان الشركة كلها معاك اوعى تخاف استمرررررررررررر اوعى تخااااااااااااااااااف