.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

14 مايو، 2008

هيا ناقصه

وصلنى اليوم من أحد مندوبى المدونه المتطوعين .. والذى كثيرا ماتحدثنا عبر الياهو وتناقشنا سويا .. وأفادنى رأيه ورؤيته فى تدعيم أكثر من تدوينه تم نشرها بالمدونه .. وعنده أفكار جميله بس خياليه شويه المهم يقول أن صهريج المياه اللى بنشرب منه كلنا لم يتم غسله وتنظيفه منذ شهرين ولقد علم بذلك من أحد الزملاء بالهندسيه وهو مصدر نثق به ونحترمه مش كفايه أن المياه الجوفيه بها نسبه عاليه من الاملاح والمعادن كمان مكان تخزينها يترك حتى حتى أيه........ المهم لن نشتكى لأحد احنا حنتصرف فارجوا من الزملاء الذين يعرفون المسؤل عن ذالك الاهمال أن يخبرونا فقط من هو وحنتصرف سنتحول فور علمنا بأسمه الى مصنع بذاءات كثيفه وعاليه الجوده
وحنخلى اللى مايشترى يتفرج عليه خاين زملائه ومسممهم كمان .. وسنمنحه لقب يلتصق به حتى خروجه على المعاش .. وحنخليه يمشى يكلم نفسه ويقول الصهريج اتغسل .. اى والله اتغسل .. أتغسل أتغسل أتغسل وحيغنيها كمان .. ماهى مش ناقصه أحنا منقدرش نشترى زجاجه مياه معدنيه ب 2 جنيه كل يوم وأحنا جايين الشغل .. ويرجعوا يقولوا مصاريف العلاج عاليه ليه .. طبعا من الغم ده .. هو مسمعش ان الوقايه خير من العلاج .. ماهو مش غرمان حاجه .. فى انتظار أسم المسؤل عن ذلك الامر .. أوغسيل الصهريج فورا.. ونحن فى الانتظار .. وكل واحد يجيب معاه زجاجه مياه لأستخدامه الشخصى دا أذا كانت حتكفيه .... هو المهندس سيف فين ؟؟؟؟

هناك 8 تعليقات:

غير معرف يقول...

بعد اهداءالتحيه على حبايب كزد وبعدالله ينور عليك
المسؤل عن متابعه نظافه خزان المياه وتحليل عينه من مياهه هو المهندس فوزى
شفاه الله والمفروض يكون هناك من يحل محله ساسال واقول لك برافو عليك

غير معرف يقول...

ربنا يستر
المنزليه

غير معرف يقول...

ياداهيه دقى للدرجه دى ---------- بس العيب فينا احنا
بهنيك

واحد من العمال يقول...

غير معروف الاول:-لم نعرف حتى الان من الذى كلف بمتابعه نظافه الخزان .. لكن علمنا اليوم ان الدنيا اتقلبت على موضوع الخزان وجارى تنظيفه
ووصلنى الان وانا ارد عليك تليفون يفيد بان السلم النازل داخل الخزان وجد مكسورا وكنوا بيصلحوه وادينا متابعين وشكرا على المجامله
الثانى:- حيستر انشاء الله وشكرا انك متابع
الثالث:-ايوه العيب فينا عندك حق

غير معرف يقول...

ياواحد من العمال أنت كده فضحتنا

واحد من العمال يقول...

وأنت باين عليك اللى سممتنا

غير معرف يقول...

نحن نتقدم بالشكرالى /مدام نجوى مديرة لرعاية الاجتماعية العيادة على تعاونها مع المرضى ونتمنى من الاستاذ /عبد الغنى الناعم عدم الرعى مع الدكتور اثناء الكشف

غير معرف يقول...

انا عيز اجيب اخر ارسال تعليق بسرعة ازاى