.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

30 يونيو، 2008

لو مش حتحلم معايا مضطر أحلم بنفسى

لو مش حتحلم معايا مضطر أحلم بنفسي
لكني في الحلم حتي عمري ما ححلم لنفسي
لو كنت راح أفتش عن منصب و لا جاه و أصاحب الحذر
دانا أبقي ما أستحقش حلاوة الحياة و ضحكة البشر
يا صاحبي يا صديقي ياللي طريقك طريقي
دا أنا يوم ما عيش لنفسي ده يوم موتي الحقيقي
**********
*******
هذه الأغنيه مهداه الى كل أنانى يبحث عن مصلحته
ويحاول الوصول الى أهدفه على اكتافنا
والى عبيد المناصب والمسميات
--------------------
اذا لم تعمل الأغنيه اوتوماتيكيا
قم بتشغيلها يدويا
من أسفل رابط
( زور وأتعرف على kz )

هناك 10 تعليقات:

غير معرف يقول...

الله ينور على الاغنيه دى معبره فعلا وفهمت انت عايز تقول ايه
انت ميه ميه
الكبريتى

الكربونى يقول...

,,,الكربونى,,,نحن مع المهندس سيف

غير معرف يقول...

انا كمان مع المهندس سيف وبايده اذا كان نازل الانتخابات
لانه حتى الان لم يبيعنا
ويسقط المهندس الحربايه

الكبريتى

غير معرف يقول...

انامتابعكم من زمان لكن دى اول تعليق لى وانشاء الله لن يكون الاخير
والله ينور على المجهود العظيم ده
وربنا يوفقكم
أنا موافقك على كل ما قلته ياواحد من العمال..اسمك طويل قوى ..
وانا مع المهندس سيف قلبا وقالبا
ومع حصوله على كافه مخصصات المنصب
زيه زى اعضاء مجلس الاداره
اما الذين يرون انه كتير عليه اقول لهم ان ده قانون ولم يضعه المهندس سيف لكن
وضعه ناس قانونيين لايعرفوا م / سيف
ولا يعرفوا فلان او علان ولما ييجوا جماعه
لسه عايشين فى امس وعايزين يعدلوا ويشرعوا اقول لهم مع ( ملاحظه ان انا مخى على قدى )انتم كده انكشفتم وعرفنا انكم بصين له فى رزقه بقى انتم لو مكانه كنتم ستطالبون بنفس ماتطالبون به الان
انكسفوا على .... وربنا يهديكم
وللعلم نحن قد استفدنا من وجوده ممثلا لنا ولم نستفيد منكم الا محاولاتكم لحل الاتحاد وهدمه على رؤوووووووووسنا
لكن ربنا ستر

وعاش المهندس سيف عاااااااااااش

وللجميع تحياتى ما عدا اللى بالى بالكم

المنزلياوى الوحيد

غير معرف يقول...

الاخوه الاعزاء
مش كفايه انك تكون بتأيد فلان اوعلان
المهم حنعمل ايه علشان ننجحه يعنى ننجح الذى نرى انه الافضل
وندعوا لاختياراتنا ونؤثر فيمن حولنا
وكفايه بقى

متابع

غير معرف يقول...

السلام عليكم ورحمه الله وبركاته
اولا انا لست من العاملين بشركتكم ولكنى زوج زميله لكم ولقد طلبت منى ان ابحث لها عن موقع اسمه يلا نحب kz وظلت لمده اربعه ايام تدخل الموقع وتقرأ مابه من موضوعات وتعليقات واصبحت تستطيع تشغيل الكمبيوتر والدخول على موقعكم وحدها واليوم طلبت منى الجلوس وكتابه التعليق ده والا مفيش عشاء يرضيكم -- المهم هى تريد ان تقول شىء واحد وهو

يسقط مجلس اداره الجمعيه التعاونيه
ويسقط كل من يديرون الجمعيه والفرن
هى كده استريحت
وتهنىء المسؤلين على هذا الموقع الذى جعلها تفش غلها
وتؤيد المهندس سيف لعضويه مجلس الاداره
وعلى حصوله على كافه مستحقاته
والسلام عليكم ورحمه الله وبركاته

غير معرف يقول...

ما حدث للمهندس اشرف -م/ابراهيم؛م/احمد شىء اجابى من الاداره واتمنى ان ربنا يوفقهم لصالح الشركه وميعملوش زى السابقين همهم المكافئه اما بالنسبه لمذكره اتحاد المساهمين فهى شىء اجابى من المفروض الاداره تاخذ الامر بجد وتجلس مع جميع العقودات ويتم تكليفهم بالعمل ثم محاسبه المقصر(لا خير فينا ان لم نقولوها ولا خير فيكم ان لم تسمعوها)

غير معرف يقول...

شىء جميل جداالتعليق على ما يحدث فى الشركه ولكن يجب ان يكون تعليق اجابى فمن واجب الاداره تحديد مهام لكل متعاقد 1،2،3،ثم يحاسب على تنفيذ المهام المتقاعس ياخذ كرت اصفر اول مره ثم كرت احمر والشركه مليئه بالشغل ومفيش حد يقطع عيش حد بالرغم انهم بيحاولم يقطعو عيش الناس والله ال د0عقدت الواحد من الدنيا بحلها

غير معرف يقول...

مهندس زراعى مغمور
عايزين نحب شركتنا بجد ونطورهاو نزرع الاخلاص والاتقان والتعاون والابتكار ونحترم افكار العامل ورأيه وابتكاراته فى حل المشكلات التى تظهر اثناء العمل واعطائه الفرصه مثل اى مسئول وذلك اسوة برسول الله (صلى الله عليه وسلم)وهذا للاسف الشديد يحدث فى الدول الغير مسلمه مما جعلهم فى صفوف الدول المتقدمه

غير معرف يقول...

مهندس زراعى
الى جميع قيادات الشركه برجاء اعداد الخطط اللازمه لتطوير الشركه وعلى وجه الخصوص القطاع الهندسى اذى يشمل الصيانه والورشه برجاء تصحيح بعض المفاهيم مثل
الصيانه ليست تصليح الاعطال كما يحدث عندنا ولكن هى اكتشاف الاعطال قبل حدوثها وذلك بالكشف الدورى على الماكينه ممايمنع ظهور اعطال مفاجئه تؤثر على معدلات الانتاج واجهاد العمال بالعمل فى ايام الراحه كما حدث فى بعض الاقسام وخاصة المستحلبات والروغيما واشهد الله اننى لا اريد سوى ان تصبح شركتنا فى مقدمه صناعه المبيدات فى العالم وليس فى مصر وحدها وهذا يحدث بالتعاون المشترك والحب المتبادل بين القيادات