.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

11 نوفمبر، 2008

جمعيتنا التعاونيه من نصر لنصر ياقلبى لا تحزن !!!!

خاص بالكزداويه
تحيه شكر وتقدير وعرفان لمجلس أداره جمعيتنا التعاونيه على نجاحه الساحق الماحق فى تحقيق الرقم القياسى فى الأغلاق والتوقف للمخبز نتيجه للمخالفات المتعدده والمشرفه التى تحرر من قبل أداره التموين (جارى التأكد من نوع المخالفه وسنوافيكم بسبب المخالفه الرائع) والتى تراقب أداء المخابز وذلك أن دل على شىء فأنما يدل على الأداره العبقريه و الفذه فى أداره الجمعيه والمخبز لأنه لم يمر شهرين على الأغلاق الأول ومن حقنا أن نفرح ونفتخر لأن مخبزنا هو الوحيد بين مخابز الشركات المحيطه الذى حقق هذا الرقم القياسى فى الأغلاق والتوقف والتميز .. وعلمنا أن مجلس أداره الجمعيه يسعى جاهدا لتسجيل هذا الرقم القياسى الجديد للأيقاف والأغلاق بموسوعه جينس للأرقام القياسيه والذى لم يستطيع أى مخبز فى مركز كفرالزيات ولا فى محافظه الغربيه تحقيقها من قبل .. ونحن العاملين المعنيين والمتأثرين بهذا الأغلاق المتميز والمبدع والخلاق نعلن أننا دعما لأنجازات مجلس أداره جمعيتنا التعاونيه الفلته .. بأننا سندعم وسنتعايش مع الموقف المشرف لمجلس أداره الجمعيه الفذ .. وسنتوقف عن تناول الخبز طوال فتره التوقف
وسنتناول بدلا منه جاتووووووووووووووووووه
-
ومن أنجاز لأنجاز أن شاء الله

ولله الأمر من قبل ومن بعد

هناك 23 تعليقًا:

المعامل يقول...

أيوه كده ياواحد من العمال
مشتقولى أمراض نفسيه
لاتبتعد عن أحوال الكزداوىه
ولا تغيب علينا

محمد الجرايحى يقول...

جميل أن تكون صوتناً معبراً عن إخوانك
وعن ما يقابلهم من مشكلات وصعوبات...
جعلك الله دائماً صوتاً للحق
تقبل تقديرى واحترامى
على هذا الجهد الطيب
أخوك
محمد

قطاع المعامل يقول...

الله ينور ياواحد من العمال
وياريت نمنحهم كأس التفوق
لانجازاتهم الغير عاديه
سؤال كيف ساتناول الملوخيه وانا من عشاقها بالجاتوه ارجوالافاده
وشكرا

fashkool يقول...

حبيبى يا بتاع كفر الزيات .. اشكرك على اطرائك لى والله انا لا حكاء ولا حاجه .. هو بتيجى مع العور طابات .. وعن الجمعيات التعاونيه حدث ولا حرج .. هى الجمعيات التعاونيه عندنا والتعاونيات بصفه عامه داخله فى عب الحكومه وعشان كدا مش نافعه .. تعرف ان التعاونيات فى انجلترا قطاع كامل موازى للقطاع العام والاهلى والحكومه ..وقطاع مستقل بنفسه ويحقق اعلى ربحيه .. بس الحكومه تسيب التعاونيات وربنا حيهدى الكل .. تحياتى

القطاع المالى يقول...

اين رئيس مجلس اداره الجمعيه
هل يعلم بما يحدث .... تبقى مصيبه
واذا كان لايعلم .... تبقى مصيبتين
الناس دى فاكرينا مبنفهمش ولا ايه
وبقول لهم اتكسفو على دمكم
وياواحد من العمال
لاداعى لذكر المخالفه بلاش فضايح

معملجى يقول...

يسقط مجلس أداره الجمعيه
ماهو مادام بيتعملهم عيش قطر الرغيف 30 سم ويروحلهم لحد المنزل
واحنا بيتعملنا رغيف قطره 20سم وبيرموا لنا اكياسنا فى الارض
واحنا الذين انتخبناهم
يبقى ...........
يسقط مجلس أداره الجمعيه كمان مره

الهيدكربون يقول...

فيه ناس عايزه تعرفك علشان تبوسك
وفيه ناس عايزه تعرفك علشان تخنقك
بس اللى عايزين يبوسوك اكتر
نفسى اعرفك
وتسلم لنا ياواحد من العمال
ومش معقول انت واحد بس ولاايه
سلام بقى احسن انا تعبت من اللف والقراءه فى الموقع الجميل ده
بصراحه شكرا

المكرونى يقول...

والعجيب يااخى انهم مبيتكسفوش
وفاكرين انهم بيخدمونا داكفايه انهم كابسين على نفسنا السنين دى كلها
انا منيوم مدخلت الشركه وهم فى الجمعيه
هو مفيش غيرهم ولا ايه

مبصوت يقول...

المفروض ان نقدم لهم خالص الشكر والتحيه ثم نسألهم جميعا الرحيلا
والله ينور ياواحد من العمال
انت بقيت جهه رقابيه شعبيه تتصور انهم بيعملوا لك حساب

الكهربائى يقول...

لازم الناس دى تتغير
انا عن نفسى لن انتخب ولا واحد فيهم
لو حتى رقصوا
كفايه كده

محمد يقول...

الحمد لله عرفت اعلق
انا متعامل جديد مع النت والمدونه
المفروض تشرح لنا كيفيه التعامل مع الموقع
وحقيقى جهد مشكور ومواضيع رائعه

واحد من العمال يقول...

الأخ العزيز / المعامل

أنا لم أبتعد عن أحوال كزد
وأديك شايف
أما الأمراض النفسيه فهى موجوده حولنا فى كزد
أنظر حولك
وأشكرك على المتابعه
وتقبل تحياتى

واحد من العمال يقول...

الأخ العزيز /محمد الجرايحى

دايما منورنى

وأخجلتم تواضعنا والله

وأدينا بنحاول

وربنا يوفقك ويوفقنا الى ما نصبو اليه

وتقبل خالص تحياتى

واحد من العمال يقول...

الأخ العزيز قطاع المعامل

لقد منحوا أنفسهم بالفعل كأس التفوق

ولكن على أيقاف وأغلاق المخبز

فهنيئا لهم

أما بالنسبه للملوخيه

وكيف ستتناولها بالجاتوه

أبقى فتت الجاتوه فى الملوخيه

وحتبقى فته محترمه وأبقى أدعى لهم

وكل فته وأنت طيب

وأشكرك على المتابعه

وعلى دمك عسل

وتقبل تحياتى

واحد من العمال يقول...

الأخ الفاضل / فشكول دوت كوم

دايما منورنى والله

وبعدين أنا مصر أنك حكاء عظيم

لأنى أجد نفسى فى شوق للوصول

معك الى النهايه ودى نعمه طبعا

وأشكرك على الزياره العزيزه

وعلى مداخلتك القيمه

وأيه رأيك فى الشاى أبو نعناع

ووضب لنا البن المحوج حزورك قريب

وتقبل تحياتى

واحد من العمال يقول...

الأخ العزيز / القطاع المالى

بالنسبه لرئيس مجلس أداره الجمعيه

أن كان يعلم أولا يعلم

مش مهم

المهم أن أحنا هنأناهم جميعا

على أنجازاتهم وأبداعاتهم المتواليه

ولن أذكر المخالفه

لأن الكل عرف

وبلاش فضايح لأن ربنا أمر بالستر

وأشكرك على المتابعه

وتقبل تحياتى

واحد من العمال يقول...

الأخ / العزيز معملجى

أنت صحيح قست قطر الأرغفه المصنعه

خصيصا لهم برافو عليك

لم يخطر ذلك على بالى

وأن كان كلامك صحيح

يبق يسقط مجلس أداره الجمعيه

همه أشترونا ؟؟

ده أحنا اللى أنتخبناهم

وأشكرك على المتابعه

وتقبل تحياتى

واحد من العمال يقول...

الأخ العزيز / الهيدكربون

اللى عايزين يبوسونى

وصلت قبلاتهم

واللى عايزين يخنقونى عارفهم

وميقدروش

وبعدين أنت لسه معرفتنيش أذاى

وبعدين أنا كنت واحد

وأشكرك على المجامله

وعلى الزياره والتعليق

واحد من العمال يقول...

الأخ العزيز / المكرونى
أيوه مبيتكسفوش
وفيه غيرهم



الأخ العزيز / مبصوت
أنا معك وأسألهم الرحيلا
وأشكرك على المجامله والمتابعه



الأخ العزيز/ الكهربائى
وأنا أيضا لن أنتخب واحد منهم
وأشكرك على المتابعه والتعليق

واحد من العمال يقول...

الأخ العزيز/ محمد

التعامل مع المدونه سهل جدا
والدليل أنك حاولت وعلقت
ولو أردت التجول بالمدونه
عندك الأرشيف أضغط على الشهر
وأبحث عما تريد
ويوجد أيضا رابط فى أسفل كل صفحه
أسمه رسائل أقدم
أضغط عليه سيعود بك للرسائل الأقدم
وأشكرك على المحاوله والمتابعه والتعليق
والمتابعه وعلى التعليق

المساحيق يقول...

يخرب عقلك ياواحد من العمال
أنت لخبط لهم دماغهم
وليس لهم شغله الا البحث لمعرفه من هو الواحد من العمال
لكن عندى سؤال
أنت أيدت المهندس سيف فى انتخابات مجلس الاداره وكأنه هو المنقذ الوحيد لنا من كل مشاكلنا العماليه
أين هو من كل مايحدث لنا وخصوصا موضوع المخبز
انا تاثرت بكلامك واعطيته صوتى
لكنى امام سكوته وسلبيته
أنا نادم انى اعطيته صوتى
لماذا ايدته ودفعتنا لانتخابه
وللعلم لن اعطيه صوتى فى اى انتخابات قادمه الا اذا..........
والسلام عليكم ورحمه الله وبركاته

المكرونى يقول...

أنا قعدت مع زميل يعمل فى الجمعيه
وهمه متلخبطين على الأخر
والحاج سيد بهدلهم وهو الذى سعى الى أحضار حصه خبز للجمعيه لتعويض الغلق
ربنا يخليك لنا ياوحد من العمال

محمد الجرايحى يقول...

الأخ الفاضل والصديق الكريم : واحد من العمال
السلام عليكم ورحمة الله وبركاته
تشرفنى دعوتك وقراء مدونتك الأفاضل لمشاركة
إخوان لنا فى غزة يعانون وكل مايحتاجون إليه أن يشعرون باننا مازلنا نتذكرهم ...
شارك معنا ولو بكلمة
مدونة نبضات قلم
اخوك
محمد