.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

25 أبريل، 2009

2- مديرينا الأعزاء .. عفواً .. سنقيمكم


تمهيد من المعروف يا أستاذ / سيد يا عضونا المنتدب ... والمحترم ...( توضيح - العضو المنتدب هو أكبر رأس فى طبقه المديرين فى كزد يعنى المايسترو ) نكمل إن كزدنا تنتصب على ساقين ساق الأنتاج للقطاع الزراعى وساق الأنتاج للقطاع المنزلى ولكن هناك تشوه للأسف أصاب إحدى الساقين وذلك بدى واضحاً جداً فى العرج الظاهر فى خطوه كزد التى كانت على الأرض تدب !! ساق تنموا وتتضخم وأصبح بها مائه وستون مليون عضله بل ويزيد ( العضله تساوى جنيه مبيعات )والساق الأخرى بها خمسه عشر مليون عضله فقط لا غير .. فلنا أن نتخيل نسبه العرج الواضحه فى خطوتنا .. سنرى خطوه تتطوح بكوميديه محزنه فالكتفان فى علو شاهق ثم هبوط شنيع مع كل خطوه للأسف .. ساق تدب على الأرض وساق تنثنى وتكاد تنسحق من الضغط وبدأنا فى
البحث عن أسباب ذلك التشوه وأخذنا فى اللف والدوران على بعض الزملاء بإداره المنزليه بطرق غير مباشره وعلى مراحل لفتح الموضوع والحصول على معلومات بدون أن يشعر أحد وعلمنا الأتى :- إن الأنهيار فى معدلات الأنتاج للمبيدات المنزليه بدأ من 2005 وفى هبوط مستمر حتى الأن وليس لأسباب إنتاجيه بل لأسباب أخرى كالفاعليه والرائحه ( يعنى معمليه ) والتسويق لكنهم إستدركوا قائلين إن عنصرى الفاعليه والرائحه عادت الأن الى ما كانت عليه والحمد لله .. المهم .. ووجدنا أيضاً أنه لدينا عميل واحد ووحيد .. يعنى بيدلع حد يلاقى دلع وميدلعش .. وأصبح من الواضح إنه تجمد وأصبح غير قادر على النمو وقدرته على النمو انتهت وبدأ فى الهبوط على الأقل بالنسبه لمنتجاتنا فقط .. لأنه يقوم بتسويق منتجات شركه منافسه .. وبنكتب له على منتجاتنا الوكيل الوحيد .. وعجبى !! له حق يدلع وأيضاً بالبحث وجدنا منتجاتنا المنزليه غير موجوده فى صيدليات طنطا ولا كفر الزيات على سبيل المثال .. المهم نحن نرى إن منتجاتنا المنزليه تحتاج أكثر من عميل فنحن فى حاجه لعميل فى الوجه البحرى .. وعميل فى الوجه القبلى بالإضافه للعميل الحالى ويكون له من فرع رشيد حتى السلوم ونديله ليبيا أيضاً وحتى المحيط الأطلنطى إن أراد وربنا يعينه ويوفقه
وهناك إقتراح أخر وداعم للصرف على الدعايه والإعلان عن منتجاتنا بجميع الوسائل الإعلانيه الموجوده والمتاحه .. وهو خصم وتجنيب مبلغ عشره قروش ( مش كتير ) من هامش ربحنا عن كل لتر ينتج من مبيداتنا المنزليه للصرف على جميع العناصر التسويقيه الفاعله و المعروفه
وكما لا يعلم البعض إن كل قرش ينفق على الدعايه والإعلان بإحتراف يعود بعد مده ثلاثه قروش
الإمتحانمطلوب من سيادتكم بحث وتطوير وتنفيذ مقترحاتنا والوصول بساقنا المنزليه الى ثلاثين مليون عضله مبدئياً والموضوع سهل جداً .. شويه إهتمام وتركيز على تنميه وتقويه ساقنا المنزليه العليله بس مش بالمسكنات احنا عايزين نقويها بحقن التراى بى بتاعه زمان علشان أعصابها تقوى وترجع فى السوق تدب
وكفايه المساحات التى فقدناها فى سوق المبيدات المنزليه وده طبعاً من .. ولا بلاش .. وسيبك ممن سيلقون بالائمه على الأزمه الأقتصاديه العالميه واعلم على الفور إنهم فاشلين ومفلسين فكرياً وعملياً وغير قادرين على التحدى
والأسهل انك تجمع خبرائنا فى التروييج والبيع والمنزليه والتخطيط وكل من له علاقه وتحبسهم أيوه تحبسهم الموضوع مش لعبه ده أمتحان ولا يخرجوا لبيوتهم إلابعد الإنتهاء من بحوثهم وخططهم التى سيتوافقون عليها ولن تخرج كثيراً عما ذكرنا من مقترحات
واستعن بالله وبأصحاب الخبره التسويقيه وبدعمهم وسيدعمونك كالأستاذ / ألبير شفاه الله وعافاه
وسيبنا من شعارنا التسويقى القديم الذى يقول
" اللى عايزنى يجيلى يجيلى أنا مبروحش لحد "
لازم نروح للمستهلكين ونلح عليهم حتى يجربوا منتجاتنا ونحن واثقين إنهم سيبحثون عن منتجات كزد بالأسم وبإصرار فنحن نعلم ماذا ننتج وماذا نقول هذا هو الأمتحان والذى على أساسه سيتم تقييم سيادتكم .. ونبشركم يأنه لو نجحت فى الامتحان حنعمل لك زفه نجاح محصلتش وسيتردد أسمك بيننا مقروناً برضينا عنه فأرضيناه .. لأنك وقتها ستكون ناجحاً وفاعلاً يعنى سيذكر أسمك كالأتى .. الأستاذ سيد الشرقاوى رضينا عنه فأرضيناه
وإذا لاقدرالله لم توفق فى الأمتحان اللى غششناه لسيادتك حنعملك زفه أيضاً محصلتش ولا مش وقته.. ونلتقى فى نهايه الموسم إنشاء الله
ونسيبك تذاكر عشان تنجح وربنا يوفقك .. والله العظيم عايزينك تنجح
ومع تمنياتنا لسيادتك بالتوفيق والنجاح

هناك 43 تعليقًا:

اللؤلؤة يقول...

واحد من العمال
السلام عليكم
للأسف ما تقوله ينطبق على أغلب شركات القطاع العام أو قطاع الأعمال اللى خربه عاطف عبيد
مديرين ليست لديهم الكفاءة على إدارة هذه الشركات ولا يملكو العقلية الإبتكارية فتبدأ هذه الشركات فى تدهور حال المنشأة ويتهمون الأزمة الإقتصادية العالمية فى تدهور حال المنشأة
أكثر الله من أمثالك فى هذا البلد الطيب أهلها
ودمت بكل الخير

انت تسال والكمبيوتر يجيب يقول...

دعوه
/الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

محمد الجرايحى يقول...

أخى الفاضل: واحد من العمال
السلام عليكم ورحمة الله وبركاته
لقد شخصت الداء بل وقدمت الدواء ولم يعد ينقص سوى رغبة المريض فى الشفاء.

صراحة أعجبنى كثيراً مستوى فكرك وحماسك ورغبتك المخلصة فى النجاح.
بارك الله فيك وأعزك
وأكثر من أمثالك

اللهم آمين

الصيانه يقول...

الموضوع ده والذى قبله ميه ميه
بس انت فاكر ان كلامك حيجيب نتيجه
والاستاذ سيد يانرى زعلان ولامبسوت
والموضوعين عاملين غاغه
وانا علىفكره عرفت واحد منكم
كان بيسال ويستفسر عن الموضوع بتاع المنزليه ولفت نظرى لان عمله بعيد عن الموضوع ده
وحكتب لك اسمه فى التعليق التالى وارجوعدم النشر لانه ممكن يكون صح او غلط

والسلام

المعمل يقول...

الله اكبر
انا معك فى كل ماذكرت عن الدلوعه
ويارب نجح الحاج سيد
حتى ننجح معه
مش كده ولاايه

الله بنور عليك

فشكووول يقول...

حبيبى عاشق الكى زد
تحياتى
انت عارف العميل بتاعكم اللى بتكتبوا انه العميل الوحيد عامل زى ايه
زى ان السلام خيار استراتيجى ووداعا لآخر الحروب
بالضبط زى عميلكم الوحيد
تحياتى

كائن الإبداع .... محمد يقول...

http://arabs4arabs.blogspot.com/



لو ينفع و لو مش بتقل عليكم


تقولوا رأيكم في المدونة دي


http://arabs4arabs.blogspot.com/

حياتى نغم يقول...

السلام عليكم / وفقكم الله وزاد من مساحة نشر منتجاتكم ونتمنى وصولها إلينا بإذن الله .

Soul.o0o.Whisper يقول...

السلام عليكم و رحمة الله و بركاته


بأشكر حضرتك جدا على زيارتك الجميلة للمدونة

و اتمنى انها تدوم


رغم انى مش فهمت اوى اللى حضرتك بتتكلم عنه

لكن اللى اقدر اقوله
ان البلد دى مفيش فيها مظبوطة


بس دا لا يعنى اننا نمشى مع التيار


دمت بود

فارس عبدالفتاح يقول...

لا احد فوق التقييم ولكن لابد من التقييم الموضوعي العادل

مع خالص التقدير والاحتراو والشكر على المرور

كائن الإبداع .... محمد يقول...

السلام عليكم يا استاذنا
في روابط كتيييييييير للتيمبلايت

لو عجبك تصميمي ما يغلاش عليك

http://www.ipietoon.com/2009/03/introducing-business-ads-ready-blogger.html

و التمبلايتات كلها موجودة على
http://www.ipietoon.com/

و

http://by-template.blogspot.com/

و اي اي اي خدمة سأكون في الخدمة

أحمد عمر يقول...

اشكرك كثيرا ع تفضلكم بزيارتنا و سنسعد دوماً بوجودكم معنا

بوركت و بارك الله حياتك

جنّي يقول...

السلام عليكم

يا بختكم شركتكم ما اتابعتش ..

يا ترى ليه ؟

القلب الحزين يقول...

السلام عليكم

واحدمن العمال
اولاا سعيد جدا بمعرفتي مدونتك
ثانيا ابن من أبناء الغربية وذلك يشرفني
ويسعدني جدا
أما بالنسبة للبوست فا دي للاسف
الحقيقة المخجلة في شركات القطاع
العام وما خفي كان أعظم من تبديد
وأختلاس ثم ماس كهربائي لتغطية ما
نهب من جسد الشعب ودي مأساة بنعيشها
كل يوم في ام الدنيا
تقبل مروري
تحياتي

طه حسين يقول...

الله ينور عليك وعلى ابوك وعلى دماغك الحلوة على هذا الاقتراح...كما اتمنى له النجاح والتوفيق

واحد من العمال يقول...

اللؤلؤه
وعليكم السلام ورحمته وبركاته
أشكرك على المتابعه
ولكن تعليقك جعلنى أكتشف أننى مقصر فى
إيضاح وضع ووصف الحبيبه كزد
نحن بالفعل كنا شركه قطاع عام ثم قطاع أعمال
وتم تحويلها الى شركه مساهمه ونمتلك نحن العمال
ورغم تخوفنا من هذا التحول إلا اننى وبعد التجربه وجدنا أن الوضع أفضل لنا كعاملين ولا نستطيع أن ننكر ذلك
فلم ينقص منا شىء بل زدنا
ولكننى أرى أن لدينا الأمكانيات
للأنطلاق وهناك تكاسل ولا مبالاه
وكثيراً ما أتسائل ما الفرق بين المدير والمهندس المصرى ونظرائهم الصينيين
ووجدت أن الصينى لديه هدف وحلم إحتلال أسواق العالم
والمصرى ينتظر إنتهاء الدوام علشان يروح
أتمنى أن أكون أوضحت وجهه نظرى
ودمت أخى بخير

واحد من العمال يقول...

أنت تسأل والكمبيوتر يجيب

سعدت بوصولكم لمدونتى العماليه المتواضعه
وسألبى الدعوه والتعليق
ومع خالص تحياتى
ودمتم بخير

واحد من العمال يقول...

الأخ الفاضل/ محمد الجرايحى

وعليكم السلام ورحمه الله وبركاته

لقد شخصت الداء بل وقدمت الدواء ولم يعد ينقص سوى رغبة المريض فى الشفاء.

صراحة أعجبنى كثيراً مستوى فكرك وحماسك ورغبتك المخلصة فى النجاح.
بارك الله فيك وأعزك
وأكثر من أمثالك
------
نعم أخى الفاضل أهم شىء رغبه المريض فى الشفاء
وأشكر لك تشجيعك ودعمك وتواجدك الدائم والعطر بمدونتى العماليه المتواضعه

ودمت فى أمان الله

واحد من العمال يقول...

المعمل يقول...
الله اكبر
انا معك فى كل ماذكرت عن الدلوعه
ويارب نجح الحاج سيد
حتى ننجح معه
مش كده ولاايه

الله بنور عليك
-----------
كلنا أخى نتمنى له النجاح
ولوكنا لا نتمنى له ذلك مكناش غششناه الأمتحان
وأشكر لك متابعتك
ودمت أخى بخير

واحد من العمال يقول...

كائن الأبداع

مدونتك رائعه
وسنتواصل أيها الكائن المبدع جداً
ودمت بخير

واحد من العمال يقول...

الأخت الفاضله/ حياتى نغم
السلام عليكم وفقكم الله وزاد من مساحة نشر منتجاتكم ونتمنى وصولها إلينا بإذن الله
-----------

وعليكم السلام ورحمه الله وبركاته
أشكر لكِ متابعتك ودعواتك الخالصه
وتواجدك العطر
وحقق الله أمنياتنا جميعاً

ودمتِ فى أمان الله وحفظه

واحد من العمال يقول...

الصيانه

أشكرك
ونتمنى يجيب نتيجه
يمكن زعلان ويمكن مبصوت
والأسم الذى ذكرته معنا بالفعل
ملاحظتك فى محلها
ودمت أخى بخير وبملاحظه

واحد من العمال يقول...

Soul.o0o.Whisper

وعليكم السلام و رحمة الله و بركاته
أشكرك عل الزياره والتعليق
وكان لازم أنوه كى تطلعى على الجزء السابق من التدوينه
على العموم نورتينا

ودمتِ بخير

واحد من العمال يقول...

القومى جداً الأخ / فارس عبدالفتاح

نعم أخى لا احد فوق التقييم ويارب يفهمونى

ودمت أخى بخير

واحد من العمال يقول...

فشكووول
حبيبى عاشق الكى زد
تحياتى
انت عارف العميل بتاعكم اللى بتكتبوا انه العميل الوحيد عامل زى ايه
زى ان السلام خيار استراتيجى ووداعا لآخر الحروب
بالضبط زى عميلكم الوحيد
تحياتى
----
منورنا دايماً ياعمنا
بس إحنا زهقنا من الخيار الأستراتيجى
إحنا نخرطه على السلطه ونخلص
ومنورنى دايماً
وسلامى لصعلوك

ودمت ياعمنا بخير وبصحه

واحد من العمال يقول...

العزيز/ أحمد عمر

سعدنا بزيارتك وسنسعد أكثر
بتواجدك العطر ومتابعتك

ودمت أخى بخير

واحد من العمال يقول...

الأخ الفاضل/ جنّي
وعليكم السلام ورحمته وبركاته

يا بختكم شركتكم ما اتابعتش ..

يا ترى ليه
--------

لا ياأخى فقد بيعت شركتنا
وأصبحت شركه مساهمه
وأرجوأن تقرأ ردى على تعليق الأخ اللؤلؤه ففيه المعلومات التى تريد
وسنتواصل
ودمت أخى بخير

المنزلياوى يقول...

السلام عليكم
الله ينور ياواحد من العمال
الأمتحان ده مناسب جداً
وأختيار جيد
ووقته كمان جيد
أنت قلت الذى يدور برؤسنا
ويارب ينجح يارب
ولقد أرسلت لك رساله على الياهو
يارب تكون وصلتك عن المرتجعات المنزليه
والله ينور كمان مره
والسلام عليكم

د. ياسر عمر عبد الفتاح يقول...

يا نهار أبيض
ده أنا اللي طلعت بروليتاريا
ربنا يوفقكم
فكرة المدونة جميلة


إنت ليه قافل التعليق في المدونات التانية؟

هندسة وصفية يقول...

فكرة المدونة جميلة و ياريت كل واحد في مجاله يبقي ايجابي كدة

Beram ElMasry يقول...

لا يحرمني من جميل عباراتك ودفئ مودتك وطهارة قلبك واني لك شاكر لتفضلك بالدعاء والزيارة
ولك تحباتي والسلام ولا سلام مع اليهود

Hossam يقول...

سلام عليكم
البوست حلو اوى والاغنية تحفة بجد انت ممستش الشرقاوى بس لا حمستنا كلنا
تحياتى عل البوست الجميل
سلام

فشكووول يقول...

اهلا عاشق الكى زد
والله بتوحشنا يا راجل
انت بتهل كدا زى الهلال كل 15 يوم مره
اشكرك على التحليق فى فشكول
تحياتى

واحد من العمال يقول...

المنزلياوى يقول...
السلام عليكم
الله ينور ياواحد من العمال
الأمتحان ده مناسب جداً
وأختيار جيد
ووقته كمان جيد
أنت قلت الذى يدور برؤسنا
ويارب ينجح يارب
ولقد أرسلت لك رساله على الياهو
يارب تكون وصلتك عن المرتجعات المنزليه
والله ينور كمان مره
والسلام عليكم

المنزلياوى
أشكرك
أنت كنت فين وأحمد الله أننى قلت مايدور فى رؤوس أحباء كزد
ووصلتنى رسالتك
ولكنى لا أستطيع نشر محتواها الأن على الأقل عشان منلخبطش الدنيا
وعلى العموم أشكرك
ونورتنا ولا تغيب
ودمت بخير

واحد من العمال يقول...

الأخ العزيز/د. ياسر عمر عبد الفتاح

نشكرك لك زيارتك العطره
وإحنا اللى بوليتريا فعلاً
يازوى الياقات البيضاء
ويشرفنا متابعتك
ودمت بخير

واحد من العمال يقول...

العزيز / هندسة وصفية

نورتنا
ونشكرك .. والأيجابيه فعل
ونتمنى أن نكون فاعلين
وسعداء بمتابعتك

ودمت ياهندسه بخير

واحد من العمال يقول...

عمنا الغالى والجميل/ بيرم المصرى

منورنى والله
ولا تتعب نفسك بالرد على تعليقاتى
صحتك بالدنيا
ونحمد الله أنك بخير
والسلام ولا سلام مع اليهود
ودمت بخير وبصحه وبابداع

واحد من العمال يقول...

Hossam يقول...
سلام عليكم
البوست حلو اوى والاغنية تحفة بجد انت محمستش الشرقاوى بس لا حمستنا كلنا
تحياتى عل البوست الجميل
سلام
-------
نورتنا
ونشكر لك تواجدك معنا
ويارب الحماس يصيب الجميع

ودمت أخى بخير

حازم سويلم يقول...

بتعجبنى جدا طريقتك البسيطة فى التعبير وايضاح افكارك بسلاسة, ويارب تتوفقوا فى مسعاكم

تحياتى الى كل محبى كى زد

وفاء بركات يقول...

واحد من العمال المحترمين جدا
لك مني كل تقدير وإعزاز لأنك بجد عضو فعال في هذا المجتمع وعندك إنتمناء عالي جدا لعملك وقبل مايكون مصدر رزقك هو عشقك وعلشان كده بحثت عن العله وعرفت الداء وقررت رحلة العلاج ..
فعلا أنا معاك بإن المبيدات المنزليه كانت سيئه وذات رائحه خانقه بدون نتيجه فعاله وتشجيعا لشركتكم ومنتجاتها أول مينزل لها حاجه للصراصير والنمل خبرنا لأن عندنا في الصيف الصراصير بتخرج من بلاعات الشوارع بطريقه غريبه وبتهجم علي البيوت جبت البودره بتاعتكم كانت الحشره بتمشي عليها عادى فكرتني بالأسلحه الفاسده في حرب فلسطين .
ربنا يحقق لكم النجاح وتحققوا أعلي معدل في التوزيع والأرباح ..
ومتنساش التاج..
تحياتي

كلام على بلاطة يقول...

شعوب وشعوب
فيه شــعوب بتعيش حياتها
وشعوب اخرى بتعيش مواتها
ولما تصحى تلاقى كل شى فاتها
لاعملت ولا هتعمل على نجاتـها
وترمى بلاويها على شماعاتها
تصنع الاستحمار على عتباتها
وما اكتر الخرافات فى رواياتها
وتربى فقرها ودى اهم علاماتها

محمد عطية يقول...

يتقدم الزميل محمد عطية مصطفى بوافر الشكر والتقديرالى لحاج/ محمد القلعاوى والحاج / السيد الشرقاوى والمهندس /سعيد الجميعى ..على مراعاتهم ظروفة والوقوف بجانبه.....ويقولحسبى الله ونعم الوكيل فى العيادة والى مسكنها

غير معرف يقول...

يتقدم محمد عطية يالتهنئة القلبية الىالاخ كمال القباتى بمناسبة المولود الجديد /مصطفى ربيع القباتى ..والف مبروك