.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

10 أبريل، 2009

1- مديرينا الأعزاء .. عفواً .. سنقيمكم

ميلاد الفكره
جلسنا نتحدث فى أحد جلساتنا لبحث أحوال المدونه وكان الحديث يدور عن تقييم المدونه والتدوينات المميزه والأضافات وأخر ماتم فى المنتدى وعلاقات المدونه بالمدونات الصديقه وقوائم خدمات المدونه والتى تهم الكزداويه وزوار المدونه عموماً بهدف التطوير والبحث عن التجديد والجديد .. وتكررت كلمه التقييم أكثر من مره ونحن نبحث عن فعل جديد يدفعنا للأمام و بعد تكرار كلمه تقييم وإختراقها لأذاننا أكثر من مره

وجدنا إن تقييم جميع العاملين فى كزد وفى أى مؤسسه إنتاجيه يتم شهرياً وسنوياً بطريقه روتينيه بحته لا تؤدى لوجود مدير فاعل ومبدع و ذو فكر خلاق إلا من رحم ربى
الفكره
المهم أقترح أحد الزملاء بعد أن إنتفض واقفاً وهو مندوب المدونه فى قطاع الأنتاج أن نقوم بتقييم طبقه المديرين لدينا .. كما يقيموننا .. وفور إنتهائه من قول فكرته القنبله .. عم السكون والصمت بل الذهول التام للحظات .. وأكمل كل منا كوب الشاى الذى أمامه فى صمت حتى أستوعبنا الفكره وبدأنا فى تناولها بالبحث وإمكانيه التطبيق

وبعد أن تناولنا الفكره وكونها ستكون قفذه غير عاديه فى سياسه المدونه قررنا الأتى


سنقيمكم مديرينا وقياداتنا الأعزاء


نعم سنمتحنكم وسنقيمكم


كما تقيموننا ولن يكون هناك إستثناء لأحد


لأننا نريد قيادات تواكب الإيقاع السريع


وتستطيع تغيير الحاضر وصناعة المستقبل


من خلال قيم وثقافـة التميز لا المحاباه


ولأن جودة القائد هى التى تقود الجودة فى الأداره


بل تقود الجوده الشاملة للمنظومه


وتحقق القيمة المضافة لأى مؤسسه و للمجتمع


سنقيمكم نعم وسنمتحنكم أيضاً


من أصغر مدير إداره
الى السيد العضو المنتدب

الأستاذ / سيد الشرقاوى ..
فيه حد عنده إعتراض


عقل عمال بقى


لكننا عندما نوينا إمتحان وتقييم أداء الأستاذ سيد .. نوينا نغششه الأمتحان .. لأننا بصراحه نريد له أن ينجح ويحصل على تقييم محترم .. لأنه طالع من وسطنا .. ولحم كتافه كلحم أكتافنا من خير كزد .. وأيضاً لأنه أول مره يتقلد منصب رئيس مجلس الأداره أثناء سفر الأستاذ / ألبير للعلاج شفاه الله .. يعنى لسه بيلين .. وبالمره نبقى عرفنا باله طويل لحد فين لأننا نعلم إنه يعرفنا .. أوعلى الأقل يعرف واحد من العمال المؤسس للمدونه

المهم ندخل على الأمتحان اللى على أساسه سنقيم أداء سيادته

ولا نقولكم .. فى التدوينه القادمه انتظرونا

على فكره الأمتحان جاهز والأجابه كمان .. ماأحنا قلنا حنغششه بس شويه سسبنس

*********************************************

تهانى وتبريكات

********************************************************

محمدعطية بإداره الأيروسولات يقول...

أجمل تحية وأرق التهانى الى الأخ / دسوقى سعيد على عقد القران السعيد.. كما أتقدم بأرق التهانى الى الأخ / كمال القبانى على خروج مصطفى عزو من المستشفى وربنا يديله الصحه...

أخيكم /محمد عطية
-----------
ومحرر المدونه يهنىء الزميلين
وألف ألف مبروك
وعقبال الزفاف ياعم دسوقى
ويتربى فى عزك ياعم كمال
******************************************
أحمد عزب الدلجمونى - برقابه الجوده يقول...

تهانينا القلبيه بزفاف الزميل/ أحمد نصر القيعى (بإداره رقابه الجوده) بالزفاف السعيد
وعقبال البكارى وألف مبروك ياحاج نصر ياقيعى
أخيك أحمد عزب الدلجمونى
إداره رقابه الجوده
-----------
ومحرر المدونه يهنىء الزميل
أحمد القيعى بالزفاف السعيد
كما يهنىء
والده الزميل الحاج نصر القيعى
وبالرفاء والبنين

هناك 64 تعليقًا:

شمس النهار يقول...

مش المفروض انكم بتحاربوا المحسوبيه اشمعنا ده اللي هتغششوه :)
الفكره جميله جدا ربنا معاكم

المعامل يقول...

الله ينور عليك ياواحد من العمال
أنت كده مخك مخكم حلو
ورئيس مجلس الأداره مره واحده
الموضوع قلبو كومدى
ومين مندوب المدونه الذى من قطاع الانتاح نفسى اعرف

ومعكم فى المتابعه

حياتى نغم يقول...

السلام عليكم / فكرة جريئة ومبدعة وفقكم الله نعم النهضة تحتاج للإقدام والجرأة والإبداع تقبل الله منكم ووفقكم لكل خير . آمين .

محمد الجرايحى يقول...

أخى الفاضل: واحد من العمال
السلام عليكم ورحمة الله وبركاته
أحييكم على هذه الفكرة الجديدة من نوعها على الأقل فى مصر وأتمنى لكم كل التوفيق ودوام التقدم والرقى
بارك الله فيك وأعزك
أخوك
محمد

الكبريتى المتابع يقول...

ياصباح التقييم على الريق
لكن هذه الفكره جديده وجامده
اليس من الأحسن أن نشاركم فى التقييم
وبعدين انتخابات الجمعيه على الابواب
انت لا تتابع اخبار الانتخابات
لماذا
وفى انتطار الامتحان
بس خلص وبلاش الحلقات

محاسب يقول...

ربنا يستر ويجيب الغواقب سليمه
انا خايف عليكم
تحياتى

ماما أمولة يقول...

أخى الفاضل: واحد من العمال
السلام عليكم ورحمة الله وبركاته

تستحق التقدير أنت وكل من شارك معك في هذه الفكرة

ربنا معاكم اللهم أمين

محمد عطية يقول...

........بسم الله الرحمن الرحيم........الى احباء كزد..انتخبوا (محمد عطية مصطفى ) خير من يمسلكم بالجمعية...والله الموفق

رابطة مدونون من اجل فلسطين يقول...

تتشرف كلا من رابطة مدونون من أجل فلسطين

والمبادرة النسائية لنصرة فلسطين بالاسكندرية

بدعوتكم لحضور المهرجان التضامنى مع ايتام غزة

وذلك يوم الجمعة القادم 17/4 بنادى المحامين بجليم بالاسكندرية

فى تمام الساعه 3.30
الاستفسار عن أي شئ يرجئ مراسلتنا على الايميل
bloggersforpalestine@yahoo.com
الامين العام للرابطة

الازهرى يقول...

شكلنا كده داخلين على فيلم ابو كرتونة

الفكرة جميلة رربنا يعينكم

وفى انتظار الموضوع القادم

فشكووول يقول...

ولا يهمك يا عاشق الكى زد
انا مش فاكر كنت بقول ايه فى التعليق لكن ولا يهمك .. انا اتفهم الاخطاء اللى بتحصل فى المواقف دى
تحياتى

وفاء بركات يقول...

السلام عليكم
تجربه جديده ربنا يوفقكم
ليك عندى هديه لو سمحت إتفضل خدها
تحياتي

واحد من العمال يقول...

الأخت العزبزه / شمس النهار

أشكرك على المتابعه

والموضوع مش موضوع محسوبيه ولا حاجه

وسيظهر ذلك فى التدوينه القادمه

ومنورانا

ودمتِ فى أمان الله وحفظه

واحد من العمال يقول...

الأخ /المعامل
أنت اللى منورنا كنت فين
وأشكرك
والموضوع مش كوميدى ولا حاجه
وهتشوف
ومندوبنا فى قطاع الأنتاج
مش وقته دلوقت

وفى أمان الله وحفظه

واحد من العمال يقول...

الأخت / حياتى نغم
وعليكم السلام ورحمه الله وبركاته

أشكرك على المتابعه
وعلى دعواتك الطيبه
وأدينا بنحاول
وفقنا الله جميعاً الى مايحب ويرضى

واحد من العمال يقول...

الأخ الفاضل / محمد الجرايحى
وعليكم السلام ورحمه الله وبركاته

أشكرك على التحيه والتشجيع والمتابعه
وعلى كون فكرتنا جديده
إنها ياأخى نتاج التفكير الجماعى الذى ينقصنا للأسف فى كثير من القطاعات الهامه


ودمت فى أمان الله وحفظه

واحد من العمال يقول...

الأخ العزيز /الكبريتى المتابع

يامساء الكبريت .. حلوه دى
نعم أخى فكرتنا جديده ونتمنى أن تقابل بفكر جديد
وأرحب بمشاركتك معنا فى التقييم
والأنتخابات لم نعرف بعد قائمه المرشحين النهائيه وعموماً سندعم التغيير
والمرشحين الشباب عموماً طمعاً فى عقول
تريد أن تخدم وتثبت وجودها
وبس لازم التقييم يبقى على حلقات
لأن مديرينا زى الرز

ودمت فى أمان الله وحفظه

واحد من العمال يقول...

الأخ العزيز / محاسب


إنشاء الله ربنا حيستر ولا تخاف
وعلى العموم نشكرك
بس تابع

ودمت فى أمان الله وحفظه

واحد من العمال يقول...

العزيزه جداً/ ماما أمولة
وعليكم السلام ورحمه الله وبركاته

دعمك وتقديرك للفكره تاج على رؤسنا
وعلى رأس التفكير الجماعى
فالفكره من نتاجه
ونشكر لكِ دعواتك الطيبه

ودمتِ فى أمان الله وحفظه

واحد من العمال يقول...

محمد عطية يقول...
........بسم الله الرحمن الرحيم........الى احباء كزد..انتخبوا (محمد عطية مصطفى ) خير من يمثلكم بالجمعية...والله الموفق

*******************

الأخ العزيز / محمد عطيه
فكره إنك تستغل المدونه فى الدعايه الأنتخابيه لنفسك جديده
وسنقف خلف الشباب عموماً
لازم يكون فيه تغيير ودم جديد
--------
بس الدعايه والأعلان بفلوس ياعم محمد
وألا أقولك خلى الحساب علينا المره دى
وإفتكر الجمايل دى

وفى أمان الله وحفظه

واحد من العمال يقول...

الأخ الأمين العام
لرابطة مدونون من اجل فلسطين

أتشرف بدعوتكم وسأحاول
وربنا يوفقكم ويقويكم
لأننا لا يجب أن ننسى

واحد من العمال يقول...

الأخ الحبيب / الازهرى
حلوه منك يا أزهرى يامتفتح
بس ابو كرتونة فاق وعاد لرشده وناسه
بعد ما باعهم وإحنا مبعناش
كل الحكايه عايزين نقيمهم زى ما بيقيمونا فيها حاجه دى
هى فكرتنا جديده بس شويه

ونشكرك على المتابعه والدعاء

ودمت فى أمان الله وحفظه

واحد من العمال يقول...

عمنا الغالى فشكول دوت كوم

منورنا دايماً
ولا أعلم كيف حدث ذلك
وأشكرك ياعمنا يامتفهم
ومع خالص تحياتى وتقديرى

ودمت فى أمان الله وحفظه

واحد من العمال يقول...

الغاليه جداً/ وفاء هانم بركات
السلام عليكم
تجربه جديده ربنا يوفقكم
ليك عندى هديه لو سمحت إتفضل خدها
تحياتي
أشكرك جزيل الشكر
والهديه وصلت
وربنا ميحرمناش منك

ودمتِ فى أمان الله وحفظه

مدير يقول...

السلام عليكمباواحد من العمال
أنا قرأت هذا الموضوع منذ أيام
وانبهرت بفكره التقييم
ولكنكم قلتم اننا سنقيم السيد رئيس مجلس الاداره الاستاذ سيد
وانت تعلم ان الاستاذ سيد هو العضو المنتدب وليس رئيس مجلس الاداره
وعندما عدت اليوم وجدتكم صححتم هذا الخطأ
الم تكونوا تعرفون هذا من ذاك
مش معقول ارجو الافاده
وفى انتظار الامتحان واجابته
اما نشوف اخرتها
تحياتى

حنظله يقول...

فكره رائعه يخرب عقلك

كمل وبلاش شحتفه مدوخناش

واحد من العمال يقول...

الأخ العزيز / مدير

وعليكم السلام ورحمته وبركاته

الخطأ كان مقصود لجذب الأنتباه
والإستغراب وإثاره التساؤلات
وحدث ما كنا نريد
هل من المعقول إننا لانعرف ؟؟
وأخرتها خير اطمئن
وعلى فكره مسيرنا نقيمك بس بالدور
ومش حتفلت من التقييم

ودمت فى أمان الله وحفظه

فشكووول يقول...

والله نورتنى فى مدونتى وبجد الموضوع ده يشد جدا لدرجه انى مابحبش القراءه وقريت فيه واتمنى من حضرتك المتابعه لان فى احداث كتير واجمل
تحياتى

واحد من العمال يقول...

الأخ العزيز / حنظله

كيف تكون الفكره رائعه ويخرب عقلنا

وحنكمل ومش حنشحتفك ومش حندوخك

أنت فين ياراجل وحشتنا

ولا تغيب عنا بالتعليقات

ودمت فى أمان الله وحفظه

فشكووول يقول...

حبيب قلبى عاشق الكىزد
تحياتى
يا اخى والله جمايلك على راسى من فوق عشان ذهابك للواد صعلوك ابنى وتشجيعك له وعقبال ما نردها لك فى الافراح والليالى الملاح.

شاكر جدا لك وتحياتى

فشكووول يقول...

على فكره كلامك مفهوم وحاسب على نفسك ههههههههه فيها جزا
صعلوك

Beram ElMasry يقول...

واحد من العمال
صديقي كلماتك تخجلني تثير في نفسي البهجة لا تحرمني من النقد والتعليق وصدقني اراءكم عون لي وبها احتمي
لك تحياتى والسلام ، ولا سلام مع اليهود

الشهيد يقول...

احبائى الكرام:
ان للشهيد فضل علينا فقد ضحى بنفسه من اجل تحرير ارض سنسئل عنها جميعا يوم القيامه لما تركناها مع اليهود ارجوك لا تنسى هؤلاء من يضحو من اجلنا فاليوم 17 ابريل وهو يوم الشهيد العالمى لا تنسى هذا اليوم وتذكره انت وكل من تحب ولا تنسو الدعاء للشهداء بالرحمة وان يتقبلهم الله فى الشهداء


فإياكم من اليأس والإحباط فإنه لا ييأس من روح الله إلا القوم الكافرون.

وأبشروا أيها المجاهدون على أرض فلسطين، فدماء جرحاكم وشهدائكم لن تذهب سدى، ووالله إن النصر لكم والمستقبل لكم وللمجاهدين في كل أنحاء الدنيا والخزي والعار للمتآمرين والمتواطئين.



شاركونا يومنا بكتاباتكم وشعركم وقصص الشهداء لديكم على مدونتنا يوم الشهيد وعلى مدوناتكم لنكون قد نجحنا فى تبيين فضل من اريقت دمائهم لنحيافى عز وكرامة
شاركونا يوم الشهيد
http://elshaheeid.blogspot.com/

وفاء بركات يقول...

تقيمه إزاى . وتغششه إزاى
هي الفكره جديده وجريئه ربنا يوفقك
وشكرا علي قبولك التاج
تحياتي أيها الأخ العزيز.

حازم سويلم يقول...

اعزائى محبى كى زد

تقبلوا منى خالص الود والتحية, واسمحوا لى ان ابدى اعجابى بطريقتكم المميزة فى التفكير والحوار من اجل الصالح العام

تحياتى

واحد من العمال يقول...

عمنا الغالى / فشكول دوت كوم

جمايل إيه ياعمنا
والله أنا فرحت جداً بصعلوك وبمدونته
وربنا يوفقه ويبقى مكسب لعالم التدوين
وربنا يحميه ويبارك فيه
-----
وجزاء يفوت ولا حد يموت
وياما دقت وحتدق على الراس طبول
وبعدين أنتم المدونين حتكونوا فين ساعتها
------
وياريت تسيب صعلوك يتصعلك لوحده
أنا عايزه يكون مستقل
ويوقع بأسمه وبصورته أوأى صوره تعبر عن اللى جواه
سيبه علشان يطلع من الشرنقه لوحده
لاننا لوساعدنا الفراشه على الخروج من الشرنقه بتخرج ضعيفه ولا تقدر على الطيران
وتحياتى لكلاكما

ودمتم فى أمان الله وحفظه

واحد من العمال يقول...

عمنا الغالى / بيرم المصرى

منورنا
وكلماتنا لا تعطيك حقك من التقدير
مهما قلنا

ودمت ياعمنا بخير وبصحه وبإبداع

واحد من العمال يقول...

مدونه الشهيد

نشكركم على تذكيرنا بيوم الشهيد

فالشهيد له فى رقابنا حق

ولم يناله منا بعد
وقد ناله من الرحمن خبر الجزاء .. ونعم الجزاء

اللهم أرحم شهدائنا وأسكنهم الجنات التى وعدت يارب العالمين
ولهم منا الفاتحه

واحد من العمال يقول...

الأخ العزيز / حازم سويلم

نشكر لك تشريفك لنا والاطلاع على تجربتنا التدوينيه الجديده
ونتمنى التواصل
ولا تحرمنا من تواجدك العطر
وأخجلتم تواضعنا

ودمت فى أمان الله وحفظه

فشكووول يقول...

عمنا عاشق الكى زد
تحياتى
والله يا عمنا انا ما انا ماسك فيه الموضوع انى كنت عامل مدونه احتياطيه وبعدين هو ابتدى يشتغل فيها وانت عارف ان انا على قدى فى الكمبيوتر وبعدين مش عارف افصلها عن مدونتى وحتى اتصلنا بالحلوه صفاء عشان تفصلها واديتها كلمة السر وما فيش فايده يعنى حتفضل كدا لحد البت سومه المجنونه صاحبة مدونة مجنونه فى بلد عاقل ماتيجى عندى وتفصلها اصلها بنت اختى
تحياتى واشكرك جدا

محمدعطية يقول...

اجمل تحية وارق اهدء الى الاخ/دسوقى سعيد على عقد القران..كما اتقد بارق التهانى الى الاخ /كمال القبانى على عودة مصطفى عزو من المستشفى.....اخيكم /محمد عطية

محمدعطية يقول...

انا اوعدكم ان نجحت باذن الله حعمل احسن شغل فى الجمعية والايام بيننا ويعالم مين يعيش ..اخيكم محمد عطية

طه حسين يقول...

انى اتقدم بالتهنئه الى كل اخ بالشركه ساهم فى خلع الاستاذ السيد الطبلاوى من العياده.....طه حسين

محمدعطية يقول...

ياعم الحاج انت جميلك انت وجميع احباب كزد على دماغى...محمدعطية

محمدعطية يقول...

انى اتقدم بالتهنئة الى السيد المحترم/رئيس مجلس الادارة والسيد نائب رئيس مجلس الادارة والاخوة المسحين يمناسبة العيد المجيد...محمد عطية

محمدعطية يقول...

انا اشكرك يااخى العزيز على ثقتك بالشباب واشكر جميع العاملين بالشركة على ثقتهم الغالية وكل عام ومصر بخير وديما هلالك حاضن صليبك...محمد عطية

واحد من العمال يقول...

الأخ / محمد عطيه

أيه ياعم محمد أنت عايز تحتل المدونه ولا ايه

كل تعليفاتك دى كان ممكن تبقى تعليق واحد

وبتستغل المدونه فى الأعلان عن ترشبحك
لمجلس إداره الجمعيه قلنا ماشى

لكن عايز تحتل المدونه كمان أهو ده اللى مش ممكن أبداً

أنا بضحك معاك المدونه تحت أمر احباء كزد
ونورتنا وربنا يوفقك

اللؤلؤة يقول...

واحد من العمال
السلام عليكم
أسسعدنى مرورك الطيب
ودائما سباق بالخير
الفكرة هايلة وهى فريدة من نوعها ولا تحتاج سوى الجرأة فى التنفيذ
وربنا معاكم
دمتم بكل الخير

Ramy Wasel يقول...

شكرا اخى العزيز
وابن بلدى اغايه
واسف على التأخر فى الرد
معلش
علشان انا لسه جديد شويه فى موضوع المدونات
ويا رب تكون مدوناتى عجباك

واحد من العمال يقول...

الأخ الحبيب /اللؤلؤة
وعليكم السلام ورحمه الله وبركاته

أشكرك أخى العزيز
وربنا يقوينا
ولا تحرمنا من طلتك البهيه
ولا تغيب

ودمت فى أمان الله وحفظه

واحد من العمال يقول...

الأخ العزيز/رامى واصل

مرحباً بك أخى رامى ومنور
أنا بحثت كتير عن مدونين غيرى ولم أجد
وفرحت جداً لما وجدتك
ومدوناتك جميله وواعده
وأبقى بص علينا
وربنا يوفقك
ولا تغيب
ودمت فى أمان الله وحفظه

من غير عنـــوان يقول...

طول عمر أفكارك جميله
ومدونتك هادفه

بأحس إنها فعلا مصريه قلبا وقالبا.. ودي حاجه حلوه

أمنياتي

أحمد عزب الدلجمونى - برقابه الجوده يقول...

تهانينا القلبيه بزفاف الزميل أحمد نصر القيعى (باداره راقبه الجوده)بالزفاف السعيد
وعقبال البكارى
وألف مبروك ياحاج نصر ياقيعى

أخيك أحمد عزب الدلجمونى
اداره راقبه الجوده

محمدعطية يقول...

انا نفسى اقبلك واحضنك ولا اقلالك احضنى انت ...اقرلك على فكرة حلوة انت قبلنى وانا اى واحد حيحضنى بحرارة حعرفة ...محمد عطية

رئيس التحرير يقول...

أخي العزيز..
السلام عليكم ورحمه الله وبركاته
ارجو الا تلوم عليا ...فعذراً لو قصرت معكم..
قواكم الله ...و حياكم .

ذو النون المصري يقول...

مبروك للمتزوجين جميعا
.................
اوافق علي فكرة تقييم المديرين بشده
يمكن يكون اسلوب تقييم عملنا كمعلمين الجديد يكون مشتق من نفس الفكرة

غير معرف يقول...

اية ياعم الحاج انت رحت فين انا عيزك تعلق يوم بيوم..عايزن نبقى اكبر مدونة شغالة ونسها مصحصحين

محمد فوزي يقول...

الحقيقه يا ريت كل واحد في مصر يكون بيحب شغله والمكان اللي بينتمي إليه بالطريقه دي ,

إسمحولي أحييكم وأشد على أيديكم
وربنا يوفقكم ويوفق كل اللي عاوز البلد دي تتقدم للأمام

تحياتي

معتز شاهين - باحث تربوي يقول...

لالالالالالالالالالالالالالالا

دي كوسة ومحسوبية

تحياتي وأنا لو منكم أسقطهم وأقعد بدلهم

ويبقى التواصل

محمد عطية يقول...

بسم الله الرحمن الرحيم.....الى كل انسان بيحب كزد الى كل الاخوة الكازتاوية انتخبوا اخيكم/ محمد عطية مصطفى........ لمجلس ادارة الجمعية رقم (13) والله الموفق .. والسلام عليكم ورحمة الله وبركاتة ..اخيكم محمد عطية

الازهرى يقول...

انا اول من يؤيد الترشيح للانتخاب
واثق به ثقة كبيرة
واتمنى من الله ان يعينه على ارجاع الحقوق والنهوض بالامر واعباءه

*****************************
وبخصوص التهئة
ابعث بتهنئتى للجميع ادام الله عليهم الصحة

رئيس التحرير يقول...

لقيت عندي ..
أشاره بتقول فيه موضوع جديد
جيت جري..
حضرتك أختفيت ليه ؟

واحد من العمال يقول...

المهندس / محمد البنا

نورتنا وسعدنا بكلماتك
وأنت راجل جميل جداً

وتحياتى
------------
الغالى جداً/ رئيس التحرير

سعيد بمتابعتك وحضورك العطر
وبنا يعين الجميع
كنت بأضيف كود للتدوينه وأتفشكلت
فأضطريت ألغيها وأعيدها من جديد
معلش خلى المواصلات على حسابى
ودمت بخير
--------
العزيز/ زو النون المصرى

منورنا وسعداء بالمتابعه
وبالنسبه للتقييم ممكن أهه كله تقييم

ودمت بخير
--------
د/ محمد فوزي
نشكر لك زيارتك العطره
وأخجلتم تواضعنا
أدينا بنحاول
ونورتنا

ودمت بخير
-----------
الأستاذ الفاضل /معتز شاهين
لا كوسة ولامحسوبية ولا حاجه
وسترى فى التدوينه الجديده
ونورتنا وسنتواصل

ودمت بخير
--------
الأخ الحبيب / الازهرى
تهانيك وصلت ونشكرك
أصل عندنا انتخابات لمجلس اداره جمعيتنا التعاونيه والزميل محمد عطيه عامل اعلانات فى المدونه وربنا يوفقه
ودايماً منورنا
ودمت بخير

غير معرف يقول...

بسم الله الرحمن الرحيم
اشكر السيد الاستاذ المهندس / اللى قام بعمل هذا الموقع عن شركتنا الحبيبة
كما نتمنى من الله ان تكون الشركة فى احسن حال و نتمنى الصحة و طول العمر الى السيد الاستاذ البير الضبع