.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

7 مايو، 2009

ردى على تعليق الغاليه جداً جداً .. وفاء هانم بركات

وفاء بركات هانم من بنى سويف تقول ...
واحد من العمال المحترمين جداً لك مني كل تقدير وإعزاز لأنك بجد عضو فعال في هذا المجتمع وعندك إنتماء عالي جداً لعملك وقبل مايكون مصدر رزقك هو عشقك وعلشان كده بحثت عن العله وعرفت الداء وقررت رحلة العلاج ..فعلاً أنا معاك بإن المبيدات المنزليه كانت سيئه وذات رائحه خانقه بدون نتيجه فعاله وتشجيعا لشركتكم ومنتجاتها أول مينزل لها حاجه للصراصير والنمل خبرنا لأن عندنا في الصيف الصراصير بتخرج من بلاعات الشوارع بطريقه غريبه وبتهجم علي البيوت جبت البودره بتاعتكم كانت الحشره بتمشي عليها عادى فكرتني بالأسلحه الفاسده في حرب فلسطين . ربنا يحقق لكم النجاح وتحققوا أعلي معدل في التوزيع والأرباح ..ومتنساش التاج..تحياتي
05 مايو, 2009 10:48 م
هذا التعليق على التدوينه السابقه
---------------------------------------------
رد واحد من العمال
الغاليه جداً جداً وفاء هانم بركات
أولاً أشكر لكِ كلماتك الجميله كما أشكر لكِ متابعتك وتواجدك الدائم والعطر بمدونتى العماليه المتواضعه
كما أأسف لأن البودره بتاعتنا لم تحقق أملك فى القضاء على الصراصير ولكنى أستطيع أن أؤكد لكِ أنه ربما يكون تاريخ الصلاحيه قد فات فبرجاء التأكد من تاريخ الصلاحيه عند الشراء فى المرات القادمه .. وأرجو سرعه أرسال عنوانك البريدى .. كى أرسل لكِ هديه تعويضيه من منتجاتنا للقضاء على الصراصير اللعينه ولكى أثبت لكِ أن منتجاتنا صنعت بأيدى مجموعه من القتله المحترفين رسالتهم فى الحياه القتل والقتل فقط .. ولكن قتل كل ما يؤرق الأنسان من الحشرات المنزليه والزراعيه
وعلى فكره لم أنسى التاج
ودمتِ فى أمان الله وحفظه
***********************************************
فكره إعلان

بعد ردى على تعليق الغاليه جداً وفاء هانم بركات خطرت لى فكره اعلان للروش كيلر لأن توزيعه وموزعه عليل (ربنا يشفى ) رغم فاعليته الأكيده ونظراً لأن المدونه مدونتى .. وليست خاضعه لأحد سواى .. رغم وجود شركاء لى بالفكر والهدف .. وأكتب فيها أفكارى .. أو أعلن فيها لأى منتج .. أنا حر .. ونظراً لأن موزعنا الوحيد فى ثبات عميق ومرحرح ومأنتخ على الأخر ونظراً إن مروجينا فى كزد زى ما قلت من قبل بيروجوا .. بس على روحهم .. قررت إهداء فكره هذا الإعلان لمروجى كزد الحبيبه مجاناً .. ومش عايز منهم حاجه .. بس يسيبونى فى حالى

فكره الأعلان تصلح لجميع منتجات كزد

بعد تقديم المنتج وعرض مزاياه

يظهر صوت جهورى وعميق لايوجد بنبراته ماينم عن أى رقه أو رحمه ويعطش الجيم ويقول :

(من أنتاج مجموعه من القتله المحترفين نعم محترفين .. رسالتهم فى الحياه القتل والقتل فقط .... ولكن بأجر .. نخلصكم من كل ما يزعجكم من الحشرات المنزليه والزراعيه) تن ترالالاً تن تن

ولكم أن تتخيلوا الأثر الباقى فى عقل المشاهد المستهدف بالأعلان .. تخيلوا أنتم بقى يابتوع التروييج .. وتصبحوا على خير يامروجى كزد .. وتصحوا على خير إن شاء الله .. عشان تناموا تانى !!!

**********************************************

تحديث

رد وفاء بركات هانم تقول ...
واحد من العمال المحترمين الشرفاء رد فعل ليس غريبا علي من يحب شركته حتي العشق ..أحترمك كإنسان تتقي الله في عملك وأقدرك كعامل لايتواني عن خدمة شركته ويتحدث عنها وكأنه يرسم لوحه أو يلقي قصيدة شعر .. أنه يغار عليها يغار أن يقال إن منتجها دون المستوى .. وأن هناك منتجات أفضل منها فكان رده رد الواثق من محبوبته .. أشكرك أخي وأتقبل هديتك وسأحتفظ بالعبوه بعد إستعمالها كرد علي أى حد يتهم العامل المصرى بالإخفاق .. ولن أقبلها علي سبيل التعويض .. لأن ردك عوضني عن شعورى بالأحباط بعد إغراق الأسواق المصريه بالمنتجات الصينيه .. وكأن مصر نضبت فيها العقول التي تفكر والسواعد التي تشيد .. أكلمك وأنا إبنة وأخت أحد العمال التي أشادت سواعدهم البناء فأطلت علي الدنيا تحكي بطولات عمال مصر المحترمين الشرفاء في كافة المجالات أقدر وأحترم أصحاب الأيدى العامله التي أحبها الله ورسوله عليه أفضل الصلاة والسلام

وبلغ سلامي لجميع القتله المحترفين
10 مايو, 2009 01:34 ص

***********************************************

تحديث

وكمان تعليق من بنى سويف

د. ياسر عمر عبد الفتاح صيدلى ومن بنى سويف أيضاً يقول...

لو كل واحد في شركه يبقي مخلص ليها كده مكنش ده حالنا لو كل (البروليتاريا ) كانوا بالثقافة دي والفهم ده .. كنا اتغيرنا كثير
فكرة الإعلان قوية جداً علي فكرة . مع إني أول مرة أشوف المنتج ده رغم إننا بنبيع في صيدليتنا منتجات كثيرة للصراصير والنمل والكلام ده خلي الراجل الموزع بتاعكم وقسم التسويق يشدوا حيلهم شوية عاوزين ننفعكم

08 مايو, 2009 03:16 م
وصلنى هذا التعليق بعد نشر هذه التدوينه

********************************************
رد واحد من العمال
أقول أيه بس حاجه تكسف .. ردوا أنتم يابتوع التسويق والترويج أو يرد موزعنا الوحيد جداً جداً !!!!!!
دكتور صيدلى و عنده صيدليه ويتعامل مع منتجات عديده لإباده النمل والصراصير وبيقول أول مره أشوف المنتج ده !!!!!!!!!
ايه رأيكم يابتوع ( اللى عايزنى يجيلى يجيلى أنا مبروحش لحد) إحنا مش موجودين فى صعيد مصر !!! عايزين موزع فى وجه قبلى

ياخلق هوووووووووووووووووه


وبشكرك يادكتور على كلماتك الطيبه ولأنك عايز تنفعنا ..
بس الظاهر إحنا اللى مش وش نعمه !!!

ولله الأمر من قبل ومن بعد

ودمت فى أمان الله وحفظه

********************************************

تحديث كمان وكفايه كده .. التدوينه تحولت لبحث تسويقى

Soul.o0o.Whisper صيدلانية بإذن الله من المنصوره تقول ...
السلام عليكم و رحمة الله و بركاته

أولا : لازم أقول لحضرتك إنى بجد بجد سعيدة جدا جدا بالمدونة دى و فكرتها الرائعة أنا قرات الكام تدوينة اللى فاتوا و الحمد لله عرفت ايه kz و ان شاء الله متبقاش kz بس و تبقى eg كلها بنفس روحك و حماسك و اقدامك دا بجد ربنا يبارك لحضرتك يارب أنا بردوا شغالة فى صيدلية و أول مرة اسمع أو أشوف منتج بالاسم ده أول مرة أسمع اصلا عن الشركة ؟؟!!. يمكن عشان كدا مفهمتش ايه كزد دى؟؟؟ لكن حقيقى بجد أنا فخورة جدا ان فى عقول كدا ربنا يبارك لكم يارب و ان شاء الله هتابع
10 مايو, 2009 06:26 م

*******************************************

رد واحد من العمال

أنا مش عارف أقول إيه والله .. أنا فى نص هدومى .. أنا حاسس إنى بتضائل على الكرسى لدرجه إنى بقيت مش طايل الكى بورد .. إستنوا لما أنط على إيد الكرسى ومنه الى المكتب وبعدين أوصل للكى بورد .. الحمد لله .. أدينى وصلت وواقف الأن بجواره .. المهم نكمل ..لكنى أشكر الأخت العزيزه سول على كلماتها الرقيقه ولأنها عرفتنا إننا أيضاً غير موجودين بالمنصوره اللى بينا وبينها فركه كعب يعنى محتاجين موزع كمان فى وجه بحرى ماإحنا قلنا الكلام ده قبل كده طيب المروجين والمسؤلين عن التوزيع والموزع والمديرين اللى زى الرز دول ساكتين ليه ..

يمكن سكوتهم سكوت إستراتيجى ىىىىىىىىىىىىىىى

*****************************************

تهانى وتبريكات

*****************************************

أحمد عزب الدلجمونى يقول...
أتقدم بالتهانى الحاره للكيمائى / أحمد على

لترقيته لمنصب مدير عام

وأتمنى له التوفيق والنجاح فى منصبه الجديد

*********************************

ومحرر المدونه يهنىء الزميل أحمد على

بالترقيه وألف مبروك

وعقبال الدكتوراه

********************************

أحمد عزب الدلجمونى يقول...
وأتقدم بالتهانى الحاره للزميل الأستاذ / محمد القلعاوى

لزفاف نجله

المهندس /أحمد القلعاوى

وألف مبروك

ياحاج محمد ياقلعاوى

والف مبروك ياخالد ياقلعاوى

*****************************

ومحرر المدونه يهنىء الزميلين بزفاف

المهندس /أحمد القلعاوى

وألف مبروك

ياحاج محمد ياقلعاوى

******************************

هناك 46 تعليقًا:

اللؤلؤة يقول...

الأخ الفاضل واحد من العمال
السلام عليكم
سرنى جداً غيرتك وحبك ل كزد
والدفاع عنها وإهتمامك بالرد الذى يرفع من شأن كزد
دمت بكل الخير

احمد عزب الدلجمونى يقول...

اولا اشكرك ياواحد من العمال
على هذا الرد الذى يشرف بجد
وعلى الاعلان
\\\\\\\\\////////

واتقدم بالتهانى الحاره
للكيمائى احمد على لترقيته لدرجه مدير عام
واتمنى له التوفيق والنجاح فى منصبه الجديد

احمد عزب الدلجمونى يقول...

واتقدم بالتهانى الحاره للزميل الاستاذ / محمد القلعاوى
لزفاف نجله المهندس /احمد القلعاوى
والف مبروك ياحاج محمد ياقلعاوى
والف مبروك ياخالد ياقلعاوى
اخيك احمد عزب

رئيس التحرير يقول...

بسم الله الرحمن الرحيم
واحد من العمال
السلام عليكم ورحمه الله وبركاته
وحشتنا والله يا غالي..
ولأول مره نري مجموعه من القتله تعلن عن نفسها وبأجر .
الله يوفقهم في قتل من يريدون قتله ...ويريحنا من القتله حتي النهايه .

Ramy Wasel يقول...

اخى الكريم

بخصوص المبيدات

نحن نتعامل مع الشركه فى المبيدات الزراعيه
للقضاء على معظم الحشائش
وخصوصا فى الارز

صحيح انها غاليه نسبيا
ولكنها فعاله

اما بخصوص المبيدات المنزليه
فانت تعلم جيدا انه اى منتج يجب ان تكون له دعايه لازمه
وتوافره فى الاسواق
وشركتنا بخصوص الدعايه
لا تعرف عنها شئ
وهذا ما اخذه على شركتنا
وشكرا لاهتمامك بمصلحه الشركه
اكثر من الكثير من المسؤليين عنها

د. ياسر عمر عبد الفتاح يقول...

لو كل حد في شركه يبقي مخلص ليها كده
مكنش ده حالنا
لو كل (البروليتاريا ) كانوا بالثقافة دي والفهم ده .. كنا اتغيرنا كثير

فكرة الإعلان قوية جداً علي فكرة
مع إني أول مرة أشوف المنتج ده
رغم إننا بنبيع في صيدليتنا منتجات كثيرة للصراصير والنمل والكلام ده
خلي الراجل الموزع بتاعكم وقسم التسويق يشدوا حيلهم شوية
عاوزين ننفعكم

الازهرى يقول...

اولا انا متفق معاها فى الرأى بخصوصك
اما بخصوص المبيدات فدى همة والدتى ولا افقه فيها اى شىء ولا دخل لى بها
اما عن الاعلان
فالفكرة جميلة جدا
لكن لو تحطوا معاها كام صورة للسفاحين عبر التاريخ هتلاقى الاعلان بيكسر الدنيا

تحياتى دوما

محمد الجرايحى يقول...

أخى الفاضل: واحد من العمال
السلام عليكم ورحمة الله وبركاته
لابد لشركة Kz
أن تفخر بانتمائك إليها
وياليت هناك فى كل شركة وموقع على أرضنا الطيبة مثيل لك...
بارك الله فيك وحفظك ورعاك
ـــــــــــ
تصميم الإعلان ممتاز فعلاً وأنا أرشحك
مديراً للإعلانات فى الشركة ....
ـــــــــــ
ملحوظة أخيرة ياريت تعدل كلمة ( إنشاء) إلى ( إن شاءالله )...

وتقبل تقديرى واحترامى
أخوك
محمد

واحد من العمال يقول...

الحبيب صاحب اللؤلؤه

وعليكم السلام ورحمه الله وبركاته

أشكرك على كلماتك الطيبه
وأدينا بنحاول نصحى النائمين

ودمت فى أمان الله وحفظه

واحد من العمال يقول...

الأخ أحمد عزب الدلجمونى

لا شكر على واجب أخى الكريم
ولقد نشرت تهانيك على الصفحه الرئيسيه

ومادمت متابع معنا
فأرجو أن تتابع المناسبات السعيده والغير سعيده فى كزد أولاً بأول كى أتمكن من مشاركه الزملاء أفراحهم وأحزانهم
على فكره هذا تكليف من أحباء كزد

ودمت فى أمان الله وحفظه

واحد من العمال يقول...

الحبيب رئيس التحرير

وعليكم السلام ورحمه الله وبركاته

أنت اللى واحشنا والله
ولا تحرمنا من ردك على التعليقات

نعم أخى نحن أول مجموعه من القتله المحترفين التى تعلن عن خدماتها
ولك عندنا خدمه مجانيه ولك أن تطلبها فى أى وقت بس تحدد لنا نوع الهدف

ودمت فى أمان الله وحفظه

واحد من العمال يقول...

أخونا الغالى / رامى واصل
أبن كفر الزيات الغاليه


أشكرك على المتابعه
وأنت تقول
"صحيح انها غاليه نسبيا
ولكنها فعاله"
لأن الغالى ثمنه فيه
--
وللأسف الجماعه بتوع الترويج عندنا بينتهجوا سياسه تسويقيه تقول

"اللى عايزنى يجيلى يجيلى أنا مبروحش لحد"

سياسه كلها غرور ونرجسيه مش زمانها خالص
وأدينا بنحاول نغير هذا الشعار
وربنا يقوينا

ودمت فى أمان الله وحفظه

واحد من العمال يقول...

الغالى د/ ياسر عمر عبد الفتاح

الله يخليك يادكتور ويبارك فيك
وأنا بفكر وأنا برد عليك الأن وضع تعليقك كملحق لهذه التدوينه لأنك صيدلى ومن بنى سويف ولم ترى أوتسمع عن منتجنا الساحق للنمل والصراصير رغم تعاملك بالبيع مع منتجات أخرى
وكإثبات لصحه ما ناديت به من قبل من حتميه وجود موزع للوجه القبلى
لأننا غير موجودين فعلاً هناك
ونشكرك لأنك عايز تنفعنا

ودمت فى أمان الله وحفظه

واحد من العمال يقول...

الأخ الفاضل محمد الجرايحى
وعليكم السلام ورحمه الله وبركاته

أشكر لك كلماتك الجميله والصادقه
كما أشكر لك تواجدك العطر والدائم بيننا .. وعلى فكره لا يوجد لدينا منصب مدير اعلانات لأننا مبنعملش إعلانات أصلاً لأن شعارنا "اللى عايزنى يجيلى أنا مبروحش لحد "
وكمان أنا لا أصلح للمنصب إن وجد لأنى لست متخصصاً فى الإعلان
---
تم تصحيح الخطأ وجزاك الله كل خير

ودمت أخى فى أمان الله وحفظه

واحد من العمال يقول...

الحبيب / الأزهرى المتفتح

أشكرك أخى العزيز
والإعلان مش محتاج نضيف له سفاحين من صفحات التاريخ .. لأننا كلنا فى كزد ..أكثر من السفاحين والقتله العظام
بس إحنا غير قادرين على تسويق أنفسنا إعلامياً

ودمت فى أمان الله وحفظه

رئيس التحرير يقول...

( ولك عندنا خدمه مجانيه ولك أن تطلبها فى أى وقت بس تحدد لنا نوع الهدف )
عزيزي ....
شكرا علي خدماتكم المجانيه ...
أما الهدف ...
فكل المصريين عارفينه كويس ..
أسأل أي واحد كده ها يقولك على طول .

واحد من العمال يقول...

الحبيب / رئيس التحرير

منذ صافحت عيناى تعليقك الأخير وعرفت الهدف انتابتنى كريزه ضحك لدرجه أنى انقلبت على قفاى وظن أولادى أنه قد أصابنى مس من الجنون ..
وقالوا أدى أخره النت
الله يجازيك يارئيس التحرير

ودمت بخير

شمس النهار يقول...

بجد انا بفرح جدا لما بزور المدونه الجميله دي
بجد مدونتكم بتبعث في روح الامل
وان لسه في مصر ناس بتحبها بجد

ربنا معاكم ويحميكم

وفاء بركات يقول...

واحد من العمال المحترمين الشرفاء
رد فعل ليس غريباعلي من يحب شركته حتي العشق ..
أحترمك كإنسان تتقي الله في عملك وأقدرك
كعامل لايتواني عن خدمة شركته وينحدث عنها وكأنه يرسم لوحه أو يلقي قصيدة شعر .. أنه يغار عليها يغار أن يقال
إن منتجها دون المستوى وأن هناك منتجات أفضل منها فكان رده رد الواثق من محبوبته ..
أشكرك أخي وأتقبل هديتك وسأحتفظ بالعبوه بعد إستعمالها كرد علي أى
حد يتهم العامل المصرى بالإخفاق ..
ولن أقبلها علي سبيل التعويض لأن ردك عوضني عن شعورى بالأحباط بعد إغراق الأسواق المصريه بالمنتجات الصنيه وكأن مصر نضبت فيها العقول التي تفكر والسواعد التي تشيد أكلمك وأنا إبنة وأخت إحد
العمال التي أشادت سواعدهم البناء
فأطلت علي الدنيا تحكي بطولات عمال مصر المحترمين الشرفاء في كافة المجالات
أقدر وأحترم أصحاب الأيدى العامله التي أحبها الله
ورسوله عليه أفضل الصلاة والسلام

وفاء بركات يقول...

أنا أرسلت عنواني علي إيميل حضرتك

بلغ سلامي لجميع القتله المحترفين

تحياتي

حياتى نغم يقول...

السلام عليكم/ تدوينة تشف عن حب وغيرة وعطاء لعملك ومنتجات وطنك ، جميل الإعلان ، وفقكم الله ودمتم مباركين .

Soul.o0o.Whisper يقول...

السلام عليكم و رحمة الله و بركاته

أولا : لازم أقول لحضرتك إنى بجد بجد سعيدة جدا جدا بالمدونة دى

و فكرتها الرائعة

أنا قرات الكام تدوينة اللى فاتوا
و الحمد لله عرفت ايه kz

و ان شاء الله متبقاش kz بس
و تبقى eg كلها بنفس روحك و حماسك و اقدامك دا

بجد ربنا يبارك لحضرتك يارب




أنا أنا بردوا شغالة فى صيدلية

و أول مرة اسمع أو أشوف منتج بالاسم دا
و أول مرة أسمع اصلا عن الشركة ؟؟!!.
يمكن عشان كدا مفهمتش ايه كزد دا؟؟؟



لكن حقيقى بجد أنا فخورة جدا ان فى عقول كدا
ربنا يبارك لكم يارب



و ان شاء الله هتابع

إيناس حليم يقول...

:)))
بجد فكرة المدونة غريبة جدا ولذيذة
اول مرة أمر بمدونة بالشكل ده بس بجد عجبتني الفكرة وحسيت بإيجابية جميلة في شخصيتك

دي اول مرة أزور المدونة بس ان شاء الله مش هتكون الأخيرة

تحياتي

فارس عبدالفتاح يقول...

سلام عليكم

الظاهر ان الموضوع له تشعبات اخر سابقة

لكن انا شايف ان الموضوع اصبح على مستوى الحدث والحديث ووصل الامر الى البروليتاريا

وشويه كده هنخش في قوة الشعب العاملة والحكاية هتتصاعد

فانا من اول الامر انسحب بس قلت اثبت وجودي وامشي عشان محدش يقول اني قصرت او ما جتش


سلام عليكم

جريدة الصباح العربي يقول...

جروب جريدة الصباح العربي بيت المدّونين العرب
http://www.facebook.com/group.php?gid=78080770039

من غير عنـــوان يقول...

أولا أزيك يا واحد من العمال
يا صديقي
وأخويا
وابن بلدي بجد


المهم
ياريت كل الناس تغير على شركتها ومنتجها كده

بارك الله لك

على فكره أنا لم أنقطع كثيرا عنك ولا عن مدونتك

أنا حتى لسه معلق على البوست اللي فات

لك تحياتي

احمد عزب الدلجمونى يقول...

البقاء لله
توفى الى رحمه الله تعالى
الزميل / ابراهيم عبد السلام باداره الحاسب الالى
وستشيع الجنازه غدا الثلاثاء بقريه كفور بلشاى بعد صلاه الظهر
والبقاء لله

عاشقة الأحزان يقول...

السلام عليكم
بجد فكرت المدونه جميله قووى
أحيك عليها من كل قلبى
وأشكرك على مرورك الكريم
ويبقا التواصل دومآ
تحياتى
إيناس

د.توكل مسعود يقول...

السلام عليكم ورحمة الله... وبعد

فقد جعلتنى فعلا أحب كفر الزيات أو بالأحرى KZ وبدأت أشعر أن كفر الزيات يجب أن تغير اسمها إلى كفر المبيدات وكأن كل من ذهب الآن إلى كفر الزيات ينبغى أن يرجع ومعه هدايا وزيارات من KZ

يعنى الواحد يروح دمياط يجيب مشبك ويروح رشيد يجيب فسيخ ويروح بورسعيد يجيب تيشرت وييجى عندكم فى كفر الزيات يجيب مبيدات..... ياقتلة..........


دمتم بخير وعافية

Soul.o0o.Whisper يقول...

مممممممممممم

ظاهر عندى ان فى بوست جديد

بس جيت مش لقيت حاجة؟؟


راح يتفسح؟؟
ههههههههه



منتظرين الجديد

الازهرى يقول...

لقيتك خاصمتنى قلت اجى بنفسى واخد عتابك

واحد من العمال يقول...

الأخت الفاضله / حياتى نغم
وعليكم السلام ورحمه الله وبركاته

أشكر لكِ كلماتك ودعواتك ودعمك
وأدينا بنحاول
وفقنا الله جميعاًالى مايحب ويرضى

ودمتِ فى أمان الله وحفظه

واحد من العمال يقول...

الأخت العزيزه / شمس النهار

أنا اللى بفرح أول ما تطلى علينا
وأشكرك وربنا يثبت الإيمان والأمل فى قلوبنا ويحقق كل أمانينا
وبعدين فيه كتير مثلى بيحبوها بس صوتهم مش عالى ومش عارف يوصل
كل الحكايه إنى عرفت أعلى صوتى إزاى
وأوصله لمن يهمه الأمر وبشهود كمان
وأنا متابع كل المناقشات الدائره عندك .. ورائعه دائماً

ودمتِ فى أمان الله وحفظه

واحد من العمال يقول...

الأخت العزيزه / سول
وعليكم السلام ورحمه الله وبركاته

سعدت بحضورك وتعليقك وتشجيعك
وباقى ردى على الصفحه الرئيسيه
ولا تحرمينا من طلتك

ودمتِ فى أمان الله وحفظه

واحد من العمال يقول...

العزيزه / إيناس حليم

أولاً نورتينا

ثانياً أنا أعلم إن فكره المدونه غريبه
الجديد فعلاً إنها لذيذه أشكر لكِ كلماتك الجميله والرقيقه
ونتمنى أن يدوم التواصل

ودمتِ بكل بخير

واحد من العمال يقول...

أخونا العزيز / فارس عبدالفتاح
وعليكم السلام ورحمه الله وبركاته

نعم أخى الموضوع له تشعبات سابقة فى التدوينتين السابقتين
واضح إنك كنت مستعجل
ولا يهمك بس نورتنا

ودمت بكل خير

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

اللؤلؤة يقول...

هذا للعلم
حاولت أن أعلق على تدوينتك الجديدة بتاريخ 14/5/2009 وعندما دخلت على مدونتك فلم أجد التدوينة الجديدة لا أعرف لماذا ؟
أرجوك لو عندك بب عرفنى

واحد من العمال يقول...

الغالى جداً
مهندس / محمد البنا

أنا سعيد جداً بهذه الأوصاف الرائعه
ياريت يا باشمهندس كل الناس تحس وتغير
كنا بقينا الصين الجديده وكنا احتلينا أسواق العالم بدل ما إحنا مٌحتلين
ولا تحرمنا من طلتك البهيه
بتوحشنا والله

ودمت فى أمان الله وحفظه

واحد من العمال يقول...

الأخ / أحمد عزب

المعذره أخى العزيز
فلم تطاوعنى نفسى بأن أنعى الزميل الراحل إبراهيم عبد السلام فقد كان مصابنا به عظيم ولكنها إراده الله
وكلما حاولت الكتابه لا أستطيع
ولا حتى عارف أرد على التعليقات
رحمه الله وأسكنه فسيح جناته
وإنا لله وإنا إليه راجعون
ولا حول ولا قوه إلا بالله

المنزلياوى يقول...

الله اكبر
ايه الحلاوه دى
انت كده عملت بحث تسويقى فعلا
ويرب يخلوا عندهم دم ويشتغلوا
احنا شكلنا بقا وحش قوى

واحد من العمال يقول...

الأخت / عاشقة الأحزان
وعليكم السلام ورحمه الله وبركاته

أشكر لكِ كلماتك الرقيقه
وأشكرك على مرورك العطر
ومتابعتك
ويبقى التواصل دومآ

ودمتِ بخير وود

واحد من العمال يقول...

الحبيب د.توكل مسعود
وعليكم السلام ورحمة الله وبركاته

أنا سعيد جداً لعوده حضرتك من الأجازه وحمداً لله على سلامتك أولاً وأخيراً
---
واذا كان دى الصوره التى وصلتك
فيبقى أنا صح وجزء من هدفى أتحقق بلفت الأنظار لكزد
ويا لسعاده كزد المدينه والشركه
بهذا الشرف .. الحب
وأنا موافق على أسم كفر المبيدات وما المانع أهه نبقى إتميزنا كمدينه وكبشر
بحاجه فلحنا فيها ماهو الهند سبقتنا بمئات السنين وتميزت بالتكتك الذى إحتل شوارعنا
والصين والنمور الأسيويه ووواحتلوا أسواق العالم الألكترونيه والتكنولوجيه ومخلوش .. ياريت بس نتميز فى حاجه
ومع تحيات القتله المحترفين
ونورت يادكتور

ودمت فى أمان الله وحفظه

لاسع افندى يقول...

تحيه حاره لاخلاصك فى العمل وتفكيرك فى تطوير الشركه التى هى مورد رزقك ليت الجميع يفعل هذا



تقبلوا تحياتى ومرورى

ابو المفاصل الواصل يقول...

مايو، 2009
لماذا ترفض الانكسار؟؟؟
قال الجانى للمجنى عليه: لماذا ترفض الانكسار؟؟
وانت المتعود على سفك دمك طول الليل والنهـــــار
فلا تعاندنى فامك تتعبنى اثناء ذبحك باستمـــــــــرار
وتغرقنى بد مك الساخن المسفوك بلا حكم ولا قرار
ووجودك ايضا استفزاز وفى قتلك اعتزاز وانبهار
فاجاب:حسبى الله من ظلمك يا ظالم الاطهــــــــار
فلن يرحمك التاريخ يا زارع الموت والاحتـضار
وما تفعله عز لى وحياة وموت لك وقمة العـــار

عمار عمار الرضا والنور يقول...

اين يباع هذا المنتج بالاسكندرية
والموزعين