.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

29 أكتوبر، 2009

د/ مصطفى محمود .. فلندعوا له بالشفاء

تحديث

الدكتور مصطفى محمود فى ذمه الله

ولا حول ولا قوه إلا بالله

أسرة مصطفى محمود تفجر مفاجأة : إسرائيل مارست ضغوطاً على الفيلسوف من خلال قيادات مصرية لتقليم أظافره وإيقاف «العلم والإيمان»

فجرت أسرة الدكتور مصطفى محمود مفاجأة كبيرة «عندما صرح ابنه أدهم أن السبب وراء اعتلال صحة والده هو جواب أرسله الدكتور أسامة الباز»، مدير مكتب رئيس الجمهورية للشؤون السياسية، عام ١٩٩٤، عقب نشر الفيلسوف الراحل التفاصيل...



د/ مصطفى محمود و الفرق بين الأنسان العبقرى والأنسان العادى

الدكتور مصطفى محمود يرقد الأن فى مستشفاه بمسجد مصطفى محمود التى تحمل أسمه دون أن نرى على شاشاتنا العربيه العديده أى برنامج يتابع تطور حالته الصحيه ولم نسمع أونشاهد أى مسؤل أو أى رمز من رموزنا الثقافيه أو العلميه زائراً ومتابعاً له فى مرضه هل نسينا طلته علينا عبر الشاشه ببرنامجه العلم والإيمان وكانت حصيلته 400 حلقه بكل تواضع العلماء وشروحاته وحواديته وحكاياته لنا عن النظريات العلميه المعقده والتى كانت تصل عقولنا بكل سلاسه وسهوله.

هل نسينا موسيقى المقدمه الناعمه الحالمه بناى الفنان محمود عفت ياه نسيناه !!

ألا يستحق الرجل أن نحتفى ونحتفل به بعرض حلقاته العلميه البسيطه والموحيه عن سبل التقدم والعبقريه ورحلته من الشك إلى الإيمان وأينشتين والنسبيه وداروين ونظريه النشوء والتطور(ناهيك عن كتبه )وألغازه الذى نكش بها داخل عقولنا وغرس فيها العديد والعديد من الأسئله وعلامات الإستفهام

ألا يستحق هذا الرجل وهو على فراش المرض من مصر الرسميه بعض الأهتمام والتكريم فى حياته بإعاده عرض حلقاته أم كالعاده سنكرمه بعد فوات الأوان أم نحن حقاً شعب لا يحترم العلماء

ومن أقواله شفاه الله

-(المعاناة هى سلم الوصول الى رحمة الله والدعاء هو المفتاح الى باب القبول)-

-(ان ساعة اليد التى فى معصمك لا تخطئ فكيف يجوز الخطا على صانع الموازين والمواقيت كلها)-

-(الاعمال وليست الدعاوى هى التى تصنع الابطال وليس العكس)-

-(ان قلب لا يسكنه الخوف من الله..ليس قلبا بل مقبرة)-

-(العلو ليس معناه اعتذار الانسان عن تعاسته ولا معناه هروبه من قدره ومصيره ولا معناه ان يعيش بمفرده بعيدا عن الاخرين وانما معناه رفض الانسان لصور الحياه المبتذله ونماذج الواقع المشبوهه و اساليب التفكير العاديه المتكرره!!!!)-

-(الانسان يعلو على الانسان بالبحث عن المعنى!!!!)-

-(اريد لحظه انفعال :لحظه حب .. لحظه دهشه.. لحظه اكتشاف .. اريد لحظه تجعل لحياتى معنى!!!!!)-

-(ان حياتى من اجل اكل العيش لا معنى لها لانها مجرد استمرار!!!!!)-

-(فرح بالموجود يصبح فى فمك كالسكر المعقود!!!!!)-

على العموم له كل الشكر والتقدير والعرفان

ولندعوا له جميعاً بالشفاء والعافيه والعفو

وأدخل حمل كتب الدكتور مصطفى محمود مجاناً

والحساب عليا

1-أينشتين والنسبية
http://www.4shared.com/file/28070439/c7e854c4/__online.html
2-الإسلام السياسي والمعركة القادمة
http://www.4shared.com/file/28070165/b5e22e41/___.html
3-الإسلام ما هو ؟
http://www.4shared.com/file/28118681/a8ebdfb9/___online.html
4-الخروج من التابوت
http://www.4shared.com/file/28110894/eb01f92/___online.html
5-السر الأعظم
http://www.4shared.com/file/28104019/4c90678/__online.html
6-الشيطان يحكم
http://www.4shared.com/file/28118680/dfecef2f/__online.html
7-العنكبوت
http://www.4shared.com/file/28110893/90d48a31/_online.html
8-القرآن كائن حي
http://www.4shared.com/file/28114037/ec27604d/___online.html
9-القرآن محاولة لفهم العصر_مقتطفات
http://www.4shared.com/file/28070201/e693f387/____.html
10-حوار مع صديقي الملحد
http://www.4shared.com/file/28070531/c8f1b6c1/___.html
11-رأيت الله
http://www.4shared.com/file/28114035/2290161/__online.html
12-رحلتي من الشك إلى الإيمان
http://www.4shared.com/file/28070545/80dde41f/____.html
13-سواح في دنيا الله_مقتطفات
http://www.4shared.com/file/28070554/eec1e5c8/____.html
14-لغز الموت
http://www.4shared.com/file/28070588/52d9d7ae/__online.html
15-مسرحية جهنم الصغرى
http://www.4shared.com/file/28104400/63072741/___online.html
16-مغامرة في الصحراء
http://www.4shared.com/file/28114038/7c987ddc/___online.html
17-مقالات مختارة لمصطفى محمود
http://www.4shared.com/file/28070936/5f8fda06/___.html
18-مقتطفات من أناشيد الإثم والبراءة
http://www.4shared.com/file/28070973/4b89eb8d/____.html
19-مقتطفات من كتاب الروح والجسد
http://www.4shared.com/file/28070941/8eaad962/____.html
20-من أمريكا إلى الشاطئ الآخر
http://www.4shared.com/file/28105280/17efb69e/____.html

المصادر : وعلى فكره مدونه د مصطفى محمود أنشأها أحد أحبائه الذين يعلمون قدره جيداً

مصطفى محمود على ويكيبيديا

مدونة مصطفى محمود

مقالات مصطفى محمود

د. مصطفى محمود.. مشروع فكري ومؤسسة خيرية

19 أكتوبر، 2009

وضع التعليم فى مصر المحروسه

«إيكونوميست»: وضع التعليم فى مصر «مثير للقلق».. والفجوة بين العرب والغرب «مخيفة»

كتبت فاطمة زيدان بالمصرى اليوم ١٧/ ١٠/ ٢٠٠٩

اعتبرت مجلة «إيكونوميست» البريطانية أن وضع التعليم فى مصر والبلاد العربية «يثير القلق»، واصفة الفجوة بين العرب والغرب بـ«المخيفة».

ونوهت المجلة - فى تقرير لها أمس - بعدم وجود جامعة عربية واحدة ضمن قائمة أفضل ٥٠٠ جامعة فى العالم، والتى تضم فى المقابل ٦ جامعات إسرائيلية.

وبينما صنف المنتدى الاقتصادى العالمى مصر فى المركز الـ٧٠ من أصل ١٣٣ بلدا، فى قدرتها على المنافسة، فقد حذرت المجلة من تدنى جودة نظام التعليم الابتدائى فى مصر، إذ هبط مستواه ليبلغ الدرجة ١٢٤ على مستوى العالم.

ورأت «إيكونوميست» أنه على الرغم من إنفاق الدول العربية الكثير من الأموال على التعليم، وخطوها خطوات كبيرة فى القضاء على الأمية، وزيادة الالتحاق بالتعليم الجامعى، وتقليص الفجوات فى التعليم بين الجنسين، فإن الفجوة فى جودة التعليم بين العرب والغرب لاتزال «مخيفة»، موضحة أنها أحد الأسباب التى تجعل الدول العربية تعانى من معدلات مرتفعة وبشكل غير عادى من البطالة بين الشباب، والافتقار إلى المهارات فى القوى العاملة، «مما يفسر فشل النمو الاقتصادى فى انتشال المصريين من براثن الفقر وذلك وفقا لدراسة حديثة أجراها فريق من الخبراء الاقتصاديين المصريين».
*********
تعليق المدون
*********


أتارى المنتج النهائى لمنظومه التعليم فى مصر مضروب


أتارى عندنا


معلمين مبيعلموش


ومهندسين مبيهندسوش


ودكاتره مبيدكتروش


ومروجين مبيروجوش


ومدربين مبيدربوش


وباحثين مبيبحثوش

ولاجامعه مصريه ضمن ال 500 جامعه الأفضل فى العالم !!!!


و6 جامعات إسرائيليه موجوده فى التقييم الأفضل وإحنا لأ !!!!

طيب إزاى ياعالم إنتصرنا عليهم فى أكتوبر 73 ولا إحنا منتصرناش ولا إيه بالظبط ؟؟؟
ولا يمكن كان كدبه وصدقناها ولافيلم .. طيب يمكن كان حلم !!!!

طيب نبص حوالينا على حالنا

هل حالنا ده حال منتصرين !!!

طيب لو كنا إنهزمنا .. كان حالنا حيبقى إيه ؟؟؟

كيف ننتصر ونحرر الأرض ثم ينحدر بنا الحال ونغرق فى شبر ميه


وهم ينهزموا ثم يتقدموا ويتفوقوا علينا علمياً ويمسحوا بينا الأرض .. بعلمهم وجامعاتهم ومفاعلاتهم وإقتصادهم وتكنولجيتهم .. نعم هناك الأن تكنولوجيا إسرائيليه وبيصدروها كمان ولهم فيها ميزات نسبيه .. يعنى بينافسوا كمان .. ومين ؟؟
بينافسوا إقتصاديات راسخه وعريقه


إحنا بقى تفوقنا فى إيه صدرنا إيه وإكتسحنا بيه العالم .. والله دى حاجه تحزن


استحملونى شويه وزى ما أنتم عارفين أنا واحد من العمال ومخى اللى على قدى مش قادر يستوعب التقرير ده


تخيلوا معى مواطن إسرائيلى حاربناه وهزمناه فى أكتوبر 73

قاعد دلوقتى ومأنتخ وبيتفرج ويتجول فى الفضائيات العالميه والعربيه والإعلام دلوقتى مبيخبيش ومبيتوصاش العالم بقى عزبه صغيره


ويشاهد الشعب اللى عبر القناه وأنتصر عليه فشل فى الإنتصار على زبالته ومش عارف يتخلص منها .. بلاش نقول يستثمرها

ويتفرج كمان ويشاهد فشلنا فى القضاء على السحابه السوداء اللى مطينه عيشتنا من سنين ومع كل نفس ملوث بنتحسر على خيبتنا

ويشاهدناأيضاً وإحنا بنكره بعض .. وبنقطع هدوم بعض .. وحتى مش طايقين نسمع بعض .. ولا نقعد نتناقش مع بعض .. وكل مناقشه تتحول لخناقه وكل مخالف فى الرأى يستحق فقط الدبح


ويشاهد فشلنا فى .. وفى .. وفى

حيقول إيه ؟؟؟

حيقولنا ( هأو ) يامنتصرين يا إللى بأكتوبر محتفلين !!!!

طيب فين روح أكتوبر ياخلق هو ..

ولا كنا سالفينها ولا يمكن ضاعت أو اتحرقت أو اتسرقت

محدش شاف روح أكتوبريه تايهه يا أولاد الحلال ؟؟؟؟

2 أكتوبر، 2009

فلنكن إيجابيين وندعم مستشفى 57357 بمكالمه تليفون بس

تبرع وأنت فى البيت
مفيش أسهل من كده
لا حتروح بنك
ولا مكتب بريد





أيوه تبرع وأنت فى البيت


ولا تسليم نقديه

ولا وصل تبرع ولا ديولو

ولا حتروح ولا حتيجى

وانت قاعد فى البيت وسط ولادك

خد ولادك فى حضنك وإدعى لهم

إن ربنا يحميهم ويحفظهم

ومد إيدك وهات تليفونك

وأطلب وتبرع على الأرقام دى

برقم 1468

أو 2357 من اي تليفون محمول

او برقم 09009555

أو 09000957

و تبرع لصالح المستشفى اثناء استماعك للرسالة الصوتية . سعر الدقيقة جنيهان

يلا نعمل خير ونساعد الأطفال مرضى السرطان

ونعتبرهم ولادنا

ربنا يشفيهم

هم فعلاً زى ولادنا

و زى ليه ؟؟ هم فعلاً ولادنا

ومتستهونش بسعر المكالمه

لأننا نطمح لملايين المكالمات

وربنا يوفقنا ويشفى مرضانا ويحفظكم

إلى أشقاء القلب والعقل مدونى مصر والعالم العربى أرجو المساهمه بالنشر

و الدال على الخير كفاعله

طرق أخرى للتبرع والدعم من هنا

الدعوه واللينك والأرقام من مدونه شمس النهار هانم

واللوجوهات من مدونه الأخت حياتى نغم
جزاهم الله كل خير
وبس خلاص

والسلام عليكم ورحمه الله وبركاته