.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

27 فبراير، 2010

د/ محمد مصطفى البرادعى .. ليه لأ ؟؟ يعنى بلاش نحلم !!

د/ محمد مصطفى البرادعى

المدير والرئيس السابق للوكالة الدولية للطاقة الذرية، و حاصل على جائزة نوبل للسلام سنة 2005. ولد في قرية الدقي (حاليا حي في محافظة الجيزة في مصر) يوم 17 يونيو 1942. والده مصطفى البرادعي محام ونقيب سابق للمحامين. تخرج في كلية الحقوق في جامعة القاهرة سنة 1962 بدرجة ليسانس الحقوق.

ولكن هل يمتلك القدره على الفعل والمواجهه
لكن لابد أن يمر من بوابه التفتيش المصريه العتيقه أولاً

التى عفى عليها الزمن من زمان
فياترى
سيمر أم سيدمر البوابه العتيقه
فلنرى

يمكن يتحقق حلم التغيير ويعدى

من بوابه التفتيش بقوه مؤيديه الأنترنتاويه والفيسبوكاويه
كما كانت بدايه حمله أوباما على الأنترنت
ولنستمع معاً لشروط بوابه التفتيش
 


نص قصيده بوابه تفتيش للشاعر على سلامه
بوابة تفتيش على بابك
كل ما أحاول أعدي تزمر
وبتتشرط
وبتتأمر
أرجع أدور تاني و أدور
وكل ما أعدي برضه تزمر
طب آدي الساعه
وآدي حزامي
وآدي بطاقتي
والنضارة
وآدي عنواني
وكل حكايتي
وآدي أمارة
حتى الفكه الباقيه ف جيبي
والاشعار
والمحفظه مفيهاش غير صورتك
ليل و نهار
وكل هدومي
زي ما نازل من بطن أمي
من غير حتى ورقة توت
وكل ما فوت
البوابه برضك بتزمر
ولما لمحني
واحد واَقف م الحراس
وقاللي أسمعني يا ابن الناس
إرمي الحته الحلوه ف قلبك
وعدي
والبوابه عمرها
ما تزمر !!!!!!!!!!!!

د/ محمد البرادعي يتحدث عن وضع مصر 1



ولمشاهده باقى الحلقه

-----------------------------------

د/ محمد البرادعى يقول
عمر ما كان عندى جنسيه غير الجنسيه المصريه
******************************************************
قرأت لك

مصر تستحق فعلاً هذا الرجل

هناك 47 تعليقًا:

Dr Ibrahim يقول...

ربنا يصلح الحال..

اللؤلؤة يقول...

واحد من العمال
السلام عليكم
لا الدكتور البرادعى ولا حتى
أنا لا نستطيع أن نرشح أنفسناط
لإنتخابات الرائاسة
لماذا ؟
لأن المنصب متفصل ومحجوز لجمال مبارك
خالص تقديرى

الزنارى يقول...

السلام عليكم
صراحة فى هذة الأحيان يصبح الفرد محتارا هل البرادعى مؤهلا لحكم مصر أم لا و ما امكانيات البرادعى و ماذا قدم أو يستطيع أن يقدم شئ محير .
مع خالص الاحترام و التقدير
أحمد الزنارى

الأحــــــ إيناس ــــــزان يقول...

كلكم راع وكل مسؤل عن رعيته
اذا مات الضمير وكثر النفاق والكدب انتشر الوباء فلا تنتظر خير فى امة تغاضت عن دينها

تحياتى اليك

رئيس التحرير يقول...
أزال المؤلف هذا التعليق.
رئيس التحرير يقول...
أزال المؤلف هذا التعليق.
ahmed_k يقول...

ياريت والله
بس تفتكر هل ممكن يعدي البوابه إياها؟؟ مفتكرش فالجيش لدينا له سطوه ونفوذ ولن يسمح بأن تخرج الرئاسه من بين فكيه
ولكي الله يا مصر

Tamer Nabil يقول...

مفيش مانع انة يرشح نفسة وينافس للوصول الى منصب الرئيس

وكل انسان مصرى شايف نفسة يقدر يخدم البلد يرشح نفسة

بس يارب يكون فى ديمقراطية فى وقت الانتخابات

مع خالص تحياتى

اوراق قديمة يقول...

السلام عليكم ورحمة الله
طبعا من حقنا نحلم
مش معقول حتى الحلم يبقى صعب
القصيده جميله جدا والاجمل ان تحرك فينا ما يجب ان يتحرك
احيك لاختيار موضوعاتك بعنايه واشكرك
ام محمد

واحد من العمال يقول...

Dr Ibrahim

أمين يارب العالمين

ودمت فى أمان الله وحفظه

واحد من العمال يقول...

اللؤلؤة
وعليكم السلام ورحمه الله وبركاته

أدينا بنحلم
يعنى بلاش نحلم
ما يمكن الحلم يتحقق
حد كان يتصور أن الملكيه تنتهى فى مصر
وعلى أيدى مصريين
لم يخطر ذلك على بال الكثيرين
لازم نحلم أولاً
كل فكره للأفضل كانت فى الأول حلم
وأظن من حقنا نحلم

ودمت أخى فى أمان الله وحفظه

واحد من العمال يقول...

الزنارى
وعليكم السلام ورحمه الله وبركاته

وهل كان رونالد ريجان الممثل الدرجه ثانيه كان مؤهلاً لحكم أمريكا
مع الفارق طبعاً لأن الكل يعلم خبرات ومن هو د/ البرادعى
وبعدين التغيير سنه الحياه
والجمود والأستقرار هو التخلف
وخطوه تنظيم ومحلك سر

ودمت فى أمان الله وحفظه

واحد من العمال يقول...

الأحــــــ إيناس ــــــزان

كلامك فى الصميم
نعم إذا مات الضمير انتشر الوباء
ولازم نحاربه بتجديد الدماء فى كل شىء
انقاذاً لدينا ودنيتنا

ودمتِ فى أمان الله وحفظه

واحد من العمال يقول...
أزال المؤلف هذا التعليق.
واحد من العمال يقول...

ahmed_k

ممكن يعدى الكل بيطلب التغيير وهو سنه الحياه
ودول كتيره ملهاش تاريخنا وعدت
لأنهم حلموا الأول حلم كبير
وإحنا لسه محلك سر
ومش بعيد حلمنا يتحقق
ونقول يارب

ودمت فى أمان الله وحفظه

واحد من العمال يقول...

Tamer Nabil

طبعاً مفيش مانع انة يرشح نفسة رغم كل العوائق والسدود
بس لازم نحاول وقبل كده لازم نحلم
والديمقراطيه بتصنعها الشعوب
وربنا يسهل

ودمت فى أمان الله وحفظه

واحد من العمال يقول...

اوراق قديمة
وعليكم السلام ورحمة الله وبركاته

منورانا والله
وسعداء أن من الله عليكِ بنعمه الشفاء

طبعا من حقنا نحلم
مش معقول حتى الحلم يبقى صعب

بس لو حلمنا كلنا مع بعض مش حيبقى صعب
بس يكون الحلم كبير
وكل الدول اللى عدت من البوابه كانت بتحلم .. وعدت

ودمتِ فى أمان الله وحفظه

واحد من العمال يقول...
أزال المؤلف هذا التعليق.
واحد من العمال يقول...

رئيس التحرير
وعليكم السلام ورحمه الله وبركاته

أغلب تعليقك جميل وموزون
الظاهر أنك عندك أعراض شعريه
بس بيدك مع يدى .. ممكن
بس الأول نقدر نحلم حلم كويس وكبير
وسعدنا بعودتك وطلتك البهيه

ودمت فى أمان الله وحفظه

norahaty يقول...

تصدق وتأمن بالله
ياأستاذ انا بقيت
خايفة على الراجل
نفسه لان فعلاً اللى
بيجرؤ يفكر أو حتى
يحلم بالمنصب دا من غير
المحسوبين والمحظوظين بحصل
له مالا تحمد عقباهـ

norahaty يقول...

حـلوة القصيدة أوى

mhmdwahab يقول...

من الاخطاء الكبيرة ان ننظر الى الطغاة على انهم من المستحيل القضاء عليهم ومن المستحيل التغير ولكنة سهل جدا ولكن الناس اعتادت على الراحة والتنبلة وحب والحرص على الحياة اى حياة حتى لو ذليلة ملوثة وشكرا على موضوعك ونتمنى ان نخرج من قوقعة الاحلام الى الحقيقة وكفية بقى نوم فى الكهف الوطنى الا الديمقراطى يا اخى ان التاريخ لا يذكر من انشاء كوبرى او اقام مترو الانفاق ولكن يذكر من انشاء امة عريقة حرة

رضا الكومى يقول...

يا ترى البرادعى

أم

رجل عسكرى

يخلف مبارك

مع ملاحظة أن كل رؤساء وزراء إسرائيل

من الجنرالات أقصد من العاصابات

mhmdwahab يقول...

ادعوكم لزيارتى فى منزلى الجديد بعاصمة مصر الجديدة الدعوة عامة
العنوان المبروكة جمهورية مصر العربية
http://mabroukaa.blogspot.com

الشجرة الأم يقول...

أنا في اعتقادي أن أيمن نور المؤهل الأكثر للرئاسة نظرا لمواقفه المشرفة وإمكانياته ونظرته البعيدة المدى ..

سؤال خارجي يعني إيه كزد بالنسبة لك وما هو سره .. وشكرا..

واحد من العمال يقول...

norahaty
والله يادكتوره كلنا خايفين عليه
بعد ماشفنا التحول الغريب من مدحه وكونه فخر لمصر الى وصفهم بماليس فيه فور تصريحه بإمكانيه ترشحه للرئاسه
بكميه خرافيه من الكذب المفضوح ومن مين من أكادميين ورؤساء تحرير
ومن المفكرين بالقطعه
أعلام حر فعلاً
وربنا يستر

ودمتِ فى أمان الله وحفظه

واحد من العمال يقول...

mhmdwahab

ليس هناك مستحيل
ومابدومش لحد
بس المشكله فعلاً أن الناس عايزين بلدهم تتطور وتتقدم من غير مجهود
ولا حتى بالكلام
عايزين تقدم وتجديد بالساهل وده عمره ماحصل
وربنا يصلح الأحوال
ونورتنا

ودمت فى أمان الله وحفظه

واحد من العمال يقول...

الشجرة الأم

والله أيمن أو البرادعى المهم يحصل تغيير
لأن اللى أحنا فيه ده ركود
أما عن كزد فسوف أرد فى القريب بس بتدوينه بس مؤقتاً كزد شركتى وهى مصر الصغيره بتاعتى

ودمتِ فى أمان الله وحفظه

واحد من العمال يقول...

رضا الكومى

والله يا أخ رضا احنا جربنا العسكر وجربنا الحزب الوطنى
ولم نتقدم خطوه للأمام
ودول ليس لها تاريخنا سبقتنا بمراحل
يبقى عايزين أمخاخ وأفكار جديده
ورجال قادرين على الأقناع والفعل
وكون أسرائيل بيحكمها عسكر مش شرط
هو ريجان الممثل الذى قاد الحرب البارده وسياساته كانت سبب من أسباب أنهيار الأتحاد السوفيتى لم يكن من العسكر
والدول المحترمه الأن تعتمد على المؤسسات

ودمت فى أمان الله وحفظه

فارس عبدالفتاح يقول...

والله اذا كان البردعي والا حسني مبارك فهي هي المعادلة

اما اذا طلع حسني مبارك ودخل اكثر من مرشخ يبقى فيه امل حقيقي في تجديد النظام واستمرارية الدولة وتحضر المجتمع فعلا وليست بيانات او تصريحات او ضحك على الشعب

وتصبح هناك قاعدة يحتكم اليها الجميع ... مع تحفظاتي الكثير على البردعي

ذو النون المصري يقول...

نستحقه فعلا
رجل ذو مكانة محترمة افضل مليون مره من الحاكم الحالي و لا يقارن اصلا بابن الحاكم الحالي عديم الخبرة و العلم و الثقافة

ذو النون المصري يقول...

ياريت لاننا فعلا محتاجين شخص بمكانته الافضل من مكانة الزعيم الحالي بالطبع و التي لا تقارن بدراية الابن الغير مثقف اصلا

رئيس التحرير يقول...
أزال المؤلف هذا التعليق.
فشكووول يقول...

السلام عليكم عاشق الكى زد

تحياتى

محمد البرادعى لأ .. عاشق الكى زد لأ .. فشكول لأ .. شوف اي حد فى الدنيا لأ .. لكن انت عارف مين اللى آى .. اذا كان الشيخ الكبير يبقى نعم .. اذا كان ابنه يبقى برضه نعم .. بس اى حد تانى فى الدنيا حنسلط عليه الكلاب السعرانه

تحياتى

واحد من العمال يقول...

فارس عبدالفتاح

المهم يحصل تغيير لأن هذا الأستقرار الموجود ثبتنا مكانا ومحلك سر
ولأن هذا الأستقرار ضد التقدم وضد الطبيعه
وربنا يولى الأصلح

ودمت فى أمان الله وفضله

واحد من العمال يقول...

ذو النون المصري

نعم أخى مصر تستحقه فعلا
مكانه وعلم وثقافه وحقوقى
وقول يارب

ودمت فى أمان الله وحفظه

واحد شغل راسه يقول...

صحيح ليه لأ
لو لبسنا ملابسنا مده طويلة
مش ممكن حد يشوفها حلوه علينا

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

إبن الإيمان يقول...

السلام عليكم:

جزاكم الله خيرا
مروري الاول إن شاء الله يتكرر
مدونه جميله والى الامام

من مدونة أرض الايمان
لمحاربة الالحاد

إبن الايمان

غير معرف يقول...

ثقافة الهزيمة فى مصر

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
المزيد من التفاصيل فى مقالات ثقافة الهزيمة بالرابط التالى

www.ouregypt.us

واحد من العمال يقول...

واحد شاغل راسه
نورتنا ياشاغل راسك
صحيح ليه لأ
لو لبسنا ملابسنا مده طويلة
مش ممكن حد يشوفها حلوه علينا
ليه
لأنها دابت وأتهلهلت حيشوفوها حلوه أزاى
على فكره أنا80% عرفتك

ودمت بخير حال

واحد من العمال يقول...

م/ الحسيني لزومي

منورنا والله
بيعجبنى فيك رؤيتك وأصرارك
ربنا يكرمك ويحقق لك أهدافك

ودمت فى أمان الله

واحد من العمال يقول...

إبن الإيمان

وعليكم السلام ورحمته وبركاته
مرورك الأول ونتمنى ألا يكون الأخير وأشكرك
أنا زرت مدونتك وهدفها كبير
وربنا يقويك ويبارك فيك

ودمت فى أمان الله وحفظه

البيروني يقول...

أنا بشكر حضرتك على المجهود اللي بذلته في تعرفينا بهذا الرجل ....
لكن عندي بعض الملاحظات
أولها تغيير حال البلد لن يكون بوجود فرد واحد في السلطة بينما حاشيته وما حوله لا يريدون التغيير كذلك الشعب لن يتقبل التغيير لأنه سطر للنازل عن قيم كثيرة خاطئة راسخة في شخصيته
ثانيا الرجل لم يقد برنامج محدد للتغيير
ثالثا حصول البرادعي على جائزة نوبل و التي هي مسيسة بشكل كبير يضع حوله دائرة شك كبيرة
و اخيرا هذه ارائي الشخصية و انا مرحب بأي نقد لها
جزاكم الله خيرا مرة أخرى على مجهودك الجميل

واحد من العمال يقول...

البيروني

أنا معك أن فرد واحد لن بستطيع التغيير
وأظن ان التغيير أفضل كثيراً من الركود الذى نعانى منه
ولازم نتعلم نفكر بطرق مختلفه
ونأخذ من الأخر أفضل ماعنده مش عيب
ثم انه لم يرشح نفسه وكل مايدور عن ترشيحه بالجرائد والنت مجرد دعوات له بأن يكون مرشح بُكره يعنى هو مش طالب الولايه ولكنه مطلوب لها والراجل بيفكر
ثم إنه رجل قانون فى الأساس ودولى كمان
وكفايه كمان انه لم يصبغ شعره
ونوبل ممكن تكون فعلاً مسيسه
ومصر تستحق أفضل مما هى فيه
وده مجرد رأى
وأنا مع التغيير عموماً

ودمت أخى بخير حال

طـــارق الوزير يقول...

مع احترامى الشديد للبرادعى لكنه لايصلح لحكم مصر ! اِنخفض صوته قبل غزو العراق بعد لقائه ببوش فى مزرعته ! حتى لم يأخذ ضمانات لسلامه المبانى والمعدات النوويه بالعراق بعد الاحتلال واصيب الشعب العراقى بامراض السرطان الان !

كان المفروض ان يستقل من هيئه الطاقه النوويه مثلما فعلها عام 1956 المرحوم الفنان وخريج اداب والمذيع السابق بهيئه الاذاعه البريطانيه محمود مرسى من قبرص وامتنع عن اذاعه اى بيان ضد مصر عند العدان الثلاثى !وعاد الى مصر

وشروط البرادعى من تغير الدستور غير منطقيه فعندما يذهب مهندس لاداره مشروع لايشترط تغير (المواصفات )الدستور وانما يضع نظام لاستلام المواد والرقابه على المخازن وخلافه للقضاء على الفساد
واما تغير الدستور غير منطقى حاليا فقط الماده 76 والمطلوب تعديلها فقط
وحياه البرادعى خارج مصر وكأنه داخل مصر لايوجد رجال

المهم مافعله البرادعى كرسى فى الكلوب لتحريك الماء الراكد

http://tarkalwzer1.maktoobblog.com/

norahaty يقول...

سنة جديدة
سعيدة إن
شاء الله
عليك وعلى
بلادنا كلهـا