.... تنويه ....جميع الإعلانات بالمدونه مجانيه ... علشان خاطر عيون كزد فقط لا غير .... مع تحيات واَحد من العمال

25 ديسمبر، 2012

مطلوب إعتصام ماركه ( وغُلِقت الأبواب ) ومطلبنا عايزين شغل يا إداره


 بعد شويه نقاشات بينى وبين الزملاء فى صفحات أبناء ورجال شركه كفر الزيات للمبيدات والكيماويات بالفيس بوك وجدت إن الكل مشغول ومهموم بكزدنا اليوم وفى المستقبل ووجدت إن الكل واعى وعارف مواطن الخلل فين وعلاجه كمان
وتوصلت إلى أن شباب المهندسين والمديرين ليس عليهم ملامه وكل العمال فى كل القطاعات دماغهم صاحى وعايزين يشتغلوا عشان  كزدنا تكبر وأسمها يلعلع فى السما
وكلنا طبعاً حاسين وعارفين ان كزدنا بعافيه شويه اليومين دول زى مصر بالظبط
وإن كل أحلامنا الجميله لكزدنا محتاجه لقرار سيادى وهذا القرارالسيادى نحصل عليه أزاى
يبقى عايزين إعتصام ماركه  (وغُلِقت الأبواب) ونرفع الشعارات الأتيه ونعملها لافتات   بمطالبنا الرئيسيه وتكون هيا شعاراتنا ولافتاتنا وهتافاتنا 


(أشتغلى كمان يا إداره)(شدى حيلك يا إداره)(حِسنا إتنبح يا إداره)
(عايزين نروح تعبانين من الشغل يا إداره)
(الترويج عايز يروج) ( الأنتاج عايز ينتج )(المبيعات عايزه تبيع)
(يعنى إحنا غلطانين كده يا إداره)

وكده يعنى 
ونقدم طلباتنا الأتيه
1- دعم وتنشيط إداره الترويج يعنى تبقى إداره ترويج بجد ويسند إليها دراسه الأفكار الجديده وتطويرها

6 ديسمبر، 2012

المعجزه اليابانيه ولماذا لانصنع معجزتنا الكزداويه المصريه بالتكاتف والأسريه والعدل

 غلاف كتاب المعجزه اليابانيه
فى أحد اجتماعاتنا القليله مع مسؤلينا الكبار فى كزد . والتى لا تحدث إلا بعد انفجار الغضب وجهت سؤلاً لأحد كبار مسؤلينا فى كزد وهو من المسؤول على أن تعمل جميع مكونات كزد كأسره واحده . وليس كأسر متعدده وفوجئت بالرد السريع النقابه هى المسؤوله عن ذلك
فقلت على الفور لأ سيادتك المسؤول الأول عن عمل مكونات كزد كأسره واحده
وأضيف الأن عندما تعمل كزد كأسره واحده فسيادتك صاحب المصلحه والمستفيد الأول قبل المساهمين والعمال  
ونموذج النجاح اليابانى والذى نهض باليابان من العدم إلى النهضه وغزو العالم بالمنتجات اليابانيه والذى يحتذى به كل من أراد أن ينهض بمؤسسته أو دولته خير دليل على ذلك
وأتمنى أن يقرأ جميع مسؤلينا وكل مسؤل مصرى كتاب المعجزه اليابانيه للمؤلف والباحث الأمريكى إزار ف . فوجل وهو خبير وأستاذ بجامعه هارفرد متخصص فى المجتمع اليابانى وهو من الباحثين الأمريكيين المهتمين بدراسه أسباب التفوق اليابانى